'ఆర్.ఆర్.ఆర్' రికార్డులను 'వీరమల్లు' బ్రేక్ చేస్తాడంటున్న పవన్ ఫ్యాన్స్..!

తెలుగు సినిమా ఖ్యాతిని ప్రపంచ వ్యాప్తంగా చాటిన దర్శకుడు రాజమౌళి. వెండితెరపై ‘బాహుబ‌లి’ వంటి విజువల్ వండర్స్ క్రియేట్ చేసిన దర్శధీరుడు.. సినిమా సినిమాకి తన క్రేజ్ ని విస్తరించుకుంటూ వస్తున్నారు. ప్రస్తుతం ఎన్టీఆర్‌ - రామ్ చ‌ర‌ణ్‌ ల‌ను హీరోలుగా పెట్టి ''ఆర్.ఆర్.ఆర్'' అనే భారీ మల్టీస్టారర్ తెరకెక్కిస్తున్నాడు. యావత్ సినీ అభిమానులు ఆసక్తిగా ఎదురు చూస్తున్న ఈ సినిమా.. ఇండియన్ ఇండస్ట్రీలోనే భారీ ప్రీ రిలీజ్ బిజినెస్ చేసిన చిత్రంగా నిలిచింది. అయితే ఇప్పుడు జక్కన్న ప్రతిష్టాత్మక చిత్రానికి పవన్ కళ్యాణ్ సినిమానే అంటున్నారు పవర్ స్టార్ అభిమానులు.

పవన్ సినిమాలకు సంబంధించిన విషయాలతో ఆయన ఫ్యాన్స్ సోషల్ మీడియాలో హంగామా చేస్తుంటారు. ఈ క్రమంలో ఇతర హీరోలతో పోటీ పడుతూ పీకే సినిమాలను నేషనల్ వైడ్ ట్రెండ్ చేస్తుంటారు. అలాంటి అభిమానులు ఇప్పుడు ఏకంగా జక్కన్న చెక్కుతున్న 'RRR' సినిమాతో పోటీ పెట్టుకుంటున్నారు. ట్విట్టర్ లో పవన్ సినిమాను ట్రిపుల్ ఆర్ తో కంపేర్ చేస్తూ పోస్టులు పెడుతున్నారు. జ‌క్క‌న్న ఎంత మంది స్టార్ హీరోలతో వచ్చినా.. ఎన్ని రికార్డులు క్రియేట్ చేసినా.. వాటిని పవన్ 'హ‌రి హ‌ర వీర‌మ‌ల్లు' సినిమాతో బ్రేక్ చేస్తాడని కామెంట్స్ చేస్తున్నారు.

పవన్ కళ్యాణ్ ప్రస్తుతం క్రిష్ జాగర్లమూడి దర్శకత్వంలో 'హరి హర వీరమల్లు' అనే హిస్టారికల్ మూవీ చేస్తున్న సంగతి తెలిసిందే. ఇలాంటి జోనర్ లో పవన్ ఫస్ట్ టైం నటిస్తున్నారు. ఆయన కెరీర్ లోనే అత్యధిక బడ్జెట్ తో ఈ సినిమా రూపొందుతోంది. 'వీరమల్లు' చిత్రం విడుదలైన తర్వాత ఇండస్ట్రీలో స‌రికొత్త రికార్డుల‌ను క్రియేట్ చేయడం ఖాయమని ప‌వ‌న్ ఫ్యాన్స్ సోష‌ల్ మీడియాలో హ‌ల్ చ‌ల్ చేస్తున్నారు. గతంలో రాజమౌళి సినిమా రికార్డులను పవన్ బ్రేక్ చేసిన విషయాన్ని గుర్తు చేస్తున్నారు. ‘మ‌గ‌ధీర’ ఇండస్ట్రీ రికార్డును ‘అత్తారింటికి దారేది’ క్రాస్ చేయడాన్ని ప్రస్తావిస్తున్నారు. మరి ప‌వ‌న్ ఫ్యాన్స్ కోరుకుంటున్నట్లు మరోసారి జక్కన్న సినిమా రికార్డులను పవన్ బీట్ చేస్తారేమో చూడాలి.