ప‌వ‌న్ ను ఇక నుంచి అలాగే పిలుస్తాః బండ్ల గ‌ణేష్‌

‘‘ప‌వ‌న్ క‌ల్యాణ్ కు అభిమానులు ఉండ‌రు.. భ‌క్తులు మాత్ర‌మే ఉంటారు’’ అని అన్నాడు.. ‘గబ్బర్ సింగ్’ ఆడియో ఫంక్ష‌న్లో ద‌ర్శ‌కుడు హ‌రీష్ శంక‌ర్‌! ఆయ‌న చెప్పిన‌ట్టుగానే.. ప‌వ‌ర్ స్టార్‌ ఫ్యాన్స్ కూడా ప‌వ‌న్ ను అదేవిధంగా ఆరాధిస్తారు. త‌మ‌ అభిమానాన్ని ఎవ‌రెస్టు రేంజ్ లో చూపిస్తారు.

అయితే.. బండ్ల గ‌ణేష్ మాత్రం నేరుగానే ఈ విష‌యాన్ని ప్ర‌క‌టించాడు. ‘గ‌బ్బ‌ర్ సింగ్’ చిత్రాన్ని బండ్ల గణేష్ నిర్మించిన సంగతి తెలిసిందే. ఆ సంద‌ర్భంగా ప‌వ‌న్ ను త‌న దేవుడిగా చెప్పేశాడు. త‌న గుండెలు చీల్చి చూస్తే.. అందులో ప‌వ‌నే ఉంటాడ‌ని వ్యాఖ్యానించాడు.

ఈ మ‌ధ్య ‘వ‌కీల్ సాబ్’ ఈవెంట్లోనూ మ‌రోసారి తన ‘దేవుడి’పై ఉన్న ప్రేమను చాటుకున్నాడు. అయితే.. లేటెస్ట్ గా సోషల్ మీడియాలో పెట్టిన పోస్టు వైరల్ అవుతోంది. ఇన్నాళ్లూ.. ప‌వ‌న్ ను దేవుడిగా పిలిచాన‌ని, ఇక‌పై ‘దేవర’ అని పిలుస్తానంటూ చెప్పుకొచ్చాడు.

‘‘నా దేవరతో నేను.. భక్త కన్నప్ప పరమేశ్వరుడిని దేవర అని పిలుచుకునేవారు. నేను కూడా ఈ రోజు నుంచి నా బాస్ ని ‘దేవ‌ర‌’ అని పిలుస్తాను’’ అంటూ ట్వీట్ చేశాడు. ఈ ట్వీట్ కు తాను అయ్య‌ప్ప మాల వేసుకున్న‌ప్పుడు ప‌వ‌న్ తో క‌లిసి దిగిన ఫొటోను షేర్ చేశారు. ఈ ట్వీట్ ను మెగా ఫ్యాన్స్ షేర్ల మీద షేర్లు చేస్తున్నారు.

కాగా.. త్వ‌ర‌లో ప‌వ‌న్ తో మ‌రో సినిమా చేసేందుకు బండ్ల గ‌ణేష్ సిద్ధ‌మైన సంగ‌తి తెలిసిందే. గ‌బ్బ‌ర్ సింగ్ వంటి బ్లాక్ బ‌స్ట‌ర్ హిట్ త‌ర్వాత నెక్స్ ట్ మూవీకి ప్లాన్ చేస్తున్నాడు. ఇది వీరి కాంబోలో రాబోతున్న హ్యాట్రిక్ మూవీ. స‌రైన‌ ద‌ర్శ‌కుడి కోసం చూస్తున్నామ‌ని, ఫైన‌ల్ కాగానే మూవీ స్టార్ట్ చేస్తామ‌ని చెప్పాడు బండ్ల‌.