అజ్ఞాతవాసి.. కాపీ టాపిక్ ఖతమ్!!

అసలు ఇప్పటివరకు 'అజ్ఞాతవాసి' ట్రైలర్ రావట్లేదు అనే బాధకంటే.. ఎందుకు రావట్లేదు అనే డిస్కషన్ ఎక్కువైపోయింది. అయతే ఈ సినిమా పూర్తిగా ఫ్రెంచ్ ఫిలిం లార్గో ఫించ్ కు కాపీ అంటూ వార్తలు రావడంతో.. ఆ సినిమా తాలూకు ఇండియన్ రీమేక్ రైట్స్ కలిగియున్న టి-సిరీస్ వారు ఈ అజ్ఞాతవాసిపై లీగల్ యాక్షన్ తీసుకోవాలని యోచిస్తున్నట్లు రూమర్లు వచ్చాయి. ఇంతకీ మ్యాటర్ ఏమైంది?

నిజానికి మొదట్లో ఈ సినిమాను అస్సలు చూపించడం ఇష్టం లేని త్రివిక్రమ్ మరియు నిర్మాత రాధాకృష్ణ.. టిసిరీస్ వారికి ఏవో స్ర్కిప్టులు వినిపిస్తూ కాకమ్మ కథలు వినిపించారనే టాక్ వచ్చింది. అయితే చివరకు టిసిరీస్ వారు మేం సినిమా చూడాల్సిందే అని పట్టుబట్టడంతో.. అలాగే 15 కోట్లు కావాలి అని అడగటంతో.. లేకపోతే కోర్టుకు వెళతామనడంతో.. ఎట్టకేలకు వారికి సినిమా ప్రివ్యూ వేయక తప్పలేదట. తీరా సినిమా చూసిన టిసిరీస్ వారు.. అసలు లార్గో ఫించ్ కు ఈ అజ్ఞాతవాసికి ఏ సంబంధం లేకపోవడం చూసి షాకైపోయారట. దానితో ఈ కాపీ టాపిక్ ఒక ఖతమ్ అయిపోయిటనట్లే.

ఈరోజో రేపో అజ్ఞాతవాసి ట్రైలర్ ను రిలీజ్ చేసి.. ఇక 10వ తేదీన సినిమా రిలీజ్ చేయడానికి అన్ని విధాల ఏర్పాట్లను చేస్తున్నారు. భారీ రిలీజ్.. దాదాపు 200 రూపాయలవరకు టిక్కట్ హైక్.. వీటికి కనుక ఒక్క హిట్టు టాక్ తోడైతే మాత్రం.. సినిమా రిజల్ట్ రచ్చలా ఉంటుందంతే.