అలీ నడుముపై కాటమరాయుడి ‘సరిగమప..’

కొంతమంది హీరోల సినిమాలు రిలీజ్ కు దగ్గరకు వస్తున్నాయంటే చాలు.. పండగ వాతావరణం నెలకొంటుంది. ఇక.. సినిమా రిలీజ్ అయిన రోజైతే తెలుగు ప్రజలంతా సదరు అగ్రహీరో సినిమా గురించి మాట్లాడేసుకోవటం ఒక అలవాటుగా మారింది. అలాంటి క్రేజ్ ఉన్న హీరోల్లో ఒకరు పవన్ కల్యాణ్. ఆయన సినిమా వస్తుందంటే చాలు.. మెగా ఫ్యాన్స్ లో ఉత్సాహం పరవళ్లు తొక్కుతూ ఉంటుంది.

ఈ ఉగాదికి వస్తున్న పవన్ తాజా చిత్రం కాటమరాయుడి సందడి రోజురోజుకి..అంతకంతకూ పెంచేస్తున్నారు. తాజాగా 50 సెకన్ల నిడివి ఉన్న వీడియోను ఒకటి రిలీజ్ చేసింది చిత్రబృందం. ఇందులో సెట్లో సందడి ముచ్చట్లను దట్టంగా కూర్చేశారు.ప్రతి ఫ్రేమ్ లోనూ పవర్ స్టార్.. నవ్వుల రాజ్ అలీ ఇద్దరూ కనిపించటమే కాదు.. ప్రతి షాట్ లోనూ అలీ ఏదో చెబుతుండటం.. పవన్ కల్యాణ్ నవ్వుతూ ఉన్న సీన్లే కనిపించి కనువిందు చేయటం విశేషం.

రియల్ గా కూడా పవన్ కు అత్యంత సన్నిహితుడైన అలీ.. ఏం చెప్పారో కానీ పవన్ ముఖంలో నవ్వులు ఆగలేదనే చెప్పాలి.అంతేనా.. వీడియో చివర్లో.. అలీ నడుం మీద పవన్ వేసే సరిగమపలు ప్రత్యేక ఆకర్షణ. మరిక ఆలస్యం ఎందుకు..సరిగమపలు చూసేయండి..