చూడముచ్చటగా కాటమరాయుడు జంట

పవర్ స్టార్ పవన్ కళ్యాణ్ నటిస్తున్న లేటెస్ట్ మూవీ కాటమరాయుడు శరవేగంగా షూటింగ్ జరుపుకుంటున్న సంగతి తెలిసిందే. తమిళనాడులోని పొలాచ్చిలో గ్రామీణ వాతావరణానికి సంబంధించిన సన్నివేశాలు చిత్రీకరిస్తున్నాడు దర్శకుడు డాలీ. మరోవైపు ఫ్యాక్షన్ ఉండే యాక్షన్ ఎపిసోడ్స్ కూడా ఇక్కడే పిక్చరైజ్ చేయనున్నారట.

జనవరి చివరికల్లా షూటింగ్ కంప్లీట్ చేయాలనే టార్గెట్ తో దూసుకుపోతున్న కాటమరాయుడు చిత్రానికి సంబంధించిన ఓ వర్కింగ్ స్టిల్ ఇప్పుడు ఇంటర్నెట్ లో చక్కర్లు కొట్టస్తోంది. లంగ ఓణీ టైపు శారీలో సౌత్ బ్యూటీ శృతి హాసన్.. జీన్స్ ప్యాంట్-ఫార్మల్ షర్ట్ తో చేతికి వాచ్ పెట్టుకుని.. ఏవో కబుర్లు చెప్పేస్తున్నాడు. నడుం పై చేయి పెట్టుకుని పవన్ చెబుతున్న మాటలను శ్రద్ధగా ఆలకిస్తోంది శృతి హాసన్. వీళ్లిద్దరే కాదు.. వీరి ఇంటి సెట్ కూడా సూపర్బ్ గా ఉంది. పాతకాలం నాటి గుర్తులను చూపిస్తూ.. ఇండోర్ ప్లాంట్స్ తో ఆధునికతను జోడించిన ఇంటి సెట్ అద్భుతంగా ఉంది.

గబ్బర్ సింగ్ తో సెన్సేషన్స్ సృష్టించిన ఈ జంట.. మరోసారి తెరపై కనిపించనుండడం అభిమానులను బాగా ఆకట్టుకుంటుంటే.. ఈ మూవీని జనవరి చివరికల్లా పూర్తి చేసేసేందుకు పవన్ కంకణం కట్టుకున్నాడట. జనవరి 1 సందర్భంగా తప్ప బ్రేక్ లేకుండా షూటింగ్ ప్లాన్ చేశారట. కాటమరాయుడు పూర్తి చేసేసి ఫిబ్రవరి తొలివారం నుంచి త్రివిక్రమ్ మూవీ షూటింగ్ ను పవన్ ప్రారంభించనున్నాడు.

Like Us on Facebook : https://www.facebook.com/Tupakidotcom/