పవన్ టైటిల్ కోసం మరో డేటొచ్చింది

టాలీవుడ్ పవర్ స్టార్ పవన్ కళ్యాణ్ 25వ చిత్రం గురించి ఏ న్యూస్ వచ్చినా ప్రస్తుతం చాలా వరకు మీడియాల్లో చాలా వైరల్ అవుతోంది. ముఖ్యంగా సోషల్ మీడియాలో అయితే గంటకొక న్యూస్ వైరల్ అవుతోంది. రీసెంట్ గా పవన్ ఎన్టీఆర్ - త్రివిక్రమ్ కాంబో లో తెరకెక్కుతున్న కొత్త మూవీ కోసం స్పెషల్ గెస్ట్ గా వెళ్లడం అందరిని ఆనందానికి గురి చేస్తోంది. ముఖ్యంగా చాలా వరకు అభిమానులు పండగ చేసుకుంటున్నారనే చెప్పాలి.

ఇక అసలు విషయానికి వస్తే పవన్ 25వ చిత్రం టైటిల్ పై ఇంకా ఎటువంటి అధికారిక ప్రకటన రాలేదు. ఇప్పటికే అజ్ఞాతవాసి అని అభిమానులు ఫిక్స్ అయ్యారు. కానీ ఆ టైటిల్ ఎంతవరకు నిజం అనేది ఇంకా ఎవరు కరెక్ట్ గా సమాధానం చెప్పలేకపోతున్నారు. దర్శకుడు త్రివిక్రమ్ ఎప్పుడు చెబుతారా అని అందరిలో ఆసక్తిని రేపుతోంది. అయితే వచ్చే నెల ఎలాగైనా అధికారికంగా పవన్ 25వ చిత్రం టైటిల్ ను దర్శకుడు అనౌన్స్ చేయనున్నాడట.

నవంబర్ 7వ తేదీన అసలు టైటిల్ ను రిలీజ్ చేయనున్నట్లు తెలుస్తోంది. ఆ రోజు త్రివిక్రమ్ పుట్టినరోజు కూడా. పవన్ కళ్యాణ్ ఈ తరహా ప్లాన్ వేసినట్లు తెలుస్తోంది. మిత్రుడి జన్మదిన కానుకగా అభిమానులకు టైటిల్ లుక్ ని అందించాలని అనుకుంటున్నాడని టాక్. మరి అజ్ఞాతవాసి అంటారా లేక కొత్త టైటిల్ ను ని సెట్ చేస్తారా అనేది తెలియాలంటే వెయిట్ చేయాల్సిందే!