పవన్ త్రివిక్రమ్.. డేట్ చెప్పేశారు

టాలీవుడ్ లో అనేక క్రేజీ ప్రాజెక్టులు సెట్స్ పై ఉన్నా.. త్వరలో ప్రారంభం కానున్న సినిమాల్లో మోస్ట్ అవైటింగ్ కాంబినేషన్ పవన్ కళ్యాణ్-త్రివిక్రమ్ ల మూవీనే. గతంలో రెండు సార్లు సెన్సేషనల్ హిట్స్.. వాటిలో అత్తారింటికి దారేదితో ఇండస్ట్రీ హిట్ సాధించిన ఈ కాంబోపై చాలానే అంచనాలు ఉన్నాయి.

పవన్-త్రివిక్రమ్ ల మూవీ పూజా కార్యక్రమాలు పూర్తి చేసుకుని దాదాపు మూడు నెలలు కావస్తున్నా.. ఇప్పటివరకూ షూటింగ్ ఎప్పుడు ప్రారంభిస్తారనే అంశంపై క్లారిటీ లేదు. ఇప్పుడు ఆ ముహూర్తం ఎప్పుడో తేలిపోయింది. మార్చ్ 14 నుంచి ఈ ప్రాజెక్టు రెగ్యులర్ షూటింగ్ ప్రారంభం కానుంది. ప్రస్తుతం పవన్ నటిస్తున్న కాటమరాయుడు మూవీ రిలీజ్ కాకుండానే.. కొత్త సినిమా షూటింగ్ మొదలైపోనుందన్న మాట. పవన్ కోసం త్రివిక్రమ్ ఓ అద్భుతమైన స్టోరీ రెడీ చేశాడని.. టాలీవుడ్ రికార్డులను తిరగరాసే సత్తా ఈ మూవీకి ఉందని టాక్ వినిపిస్తోంది.

మరోవైపు ఈ సినిమాలో మలయాళీ కుట్టీలు ఇద్దరిని హీరోయిన్లుగా ఎంపిక చేసుకున్నాడు త్రివిక్రమ్. ప్రస్తుతం మంచి స్పీడ్ మీద ఉన్న కీర్తి సురేష్ తో పాటు.. అను ఇమాన్యుయేల్ కీలక పాత్ర పోషించనుంది. కోలీవుడ్ కంపోజర్ అనిరుధ్ రవిచందర్ సంగీతం అందించనుండగా.. ఎస్. రాధాకృష్ణ ఈ మూవీని నిర్మించనున్నారు.

Like Us on Facebook : https://www.facebook.com/Tupakidotcom/