రూమర్: మళ్ళీ పవన్ అండ్ వెంకీ సినిమా?

విక్టరీ వెంకటేష్.. పవర్ స్టార్ పవన్ కళ్యాణ్ లు ఇప్పటికే ఓ సారి మల్టీ స్టారర్ సినిమా చేసేశారు. గోపాలా గోపాలా మూవీలో ఇద్దరూ కలిసి నటించారు. అభిమానులను అలరించారు. ఇప్పుడు మల్టీ స్టారర్ ట్రెండ్ పీక్ స్టేజ్ కి వెళ్లిపోవడంతో.. వీరిద్దరూ మరోసారి కలిసి నటించే అవకాశాలున్నాయని రూమర్ వినిపిస్తోంది.

ప్రస్తుతం డాలీ డైరెక్షన్ లో ఓ మూవీని స్టార్ట్ చేసిన పవర్ స్టార్.. ఈ ఏడాది చివరలో మాటల మాంత్రికుడు త్రివిక్రమ్ సినిమాని ప్రారంభించనున్నాడు. ఇప్పటికే స్క్రిప్ట్ పనులు ఊపందుకోగా.. ఇప్పుడీ మూవీలో వెంకటేష్ కూడా నటిస్తాడని అంటున్నారు. హీరో పాత్రకు సమానంగా ప్రాధాన్యత ఉండే రోల్ లో వెంకీ అయితే బాగుంటాడని త్రివిక్రమ్ భావిస్తున్నాడట. ఇప్పటికే వెంకీ-పవన్ లు ఓసారి కలిసి నటించడంతో.. మరోసారి కలిసి కనిపించడానికి ఒప్పించడం పెద్ద కష్టం కాదనే టాక్ వినిపిస్తోంది.

అయితే.. ఇప్పటికి ఇవన్నీ రూమర్లే. పవన్ నుంచి కానీ.. డైరెక్టర్ నుంచి కానీ.. వెంకీ నుంచి కానీ కన్ఫర్మేషన్ రాలేదు. ప్రాజెక్టు అనౌన్స్ చేశాకే.. ఇతర డీటైల్స్ బయటకొచ్చే ఛాన్స్ ఉంది. ఇది రూమర్ మాత్రమే అయినా.. కాస్త నమ్మేట్లుగానే ఉందిలెండి.