స్టార్ డైరెక్ట‌ర్ వైఫ్ నృత్య ప్ర‌ద‌ర్శ‌న‌కు గెస్ట్ గా ప‌వ‌న్ క‌ల్యాణ్‌

మాట‌ల మాంత్రికుడు, స్టార్ డైరెక్ట‌ర్ త్రివిక్ర‌మ్ గురించి ప్ర‌త్యేకంగా చెప్పాల్సిన ప‌ని లేదు. ఇండ‌స్ట్రీలో వున్న టాలెండెడ్ డైరెక్ట‌ర్ లలో త్రివిక్ర‌మ్ది ప్ర‌త్యేక శైలి అన్న‌ది తెలిసిందే. ఆయ‌న త‌న‌దైన పంథాలో టాలీవుడ్ లో ప్ర‌త్యేక గుర్తింపుని సొంతం చేసుకున్నారు. త్ర‌విక్ర‌మ్ సినిమాల్లో త‌న టాలెంట్ ని ప్ర‌ద‌ర్శిస్తూ ప్ర‌త్యేక గుర్తింపుని సొంతం చేసుకుంటే ఆయ‌న భార్య సౌజ‌న్య శ్రీ‌నివాస్ క్లాసిక‌ల్ డ్యాన్స‌ర్ గా ప్ర‌తిభ‌ని చాటుకుంటున్నారు.

అయితే ఈ విష‌యం చాలా మందికి తెలియ‌దు. ఈ నేప‌థ్యంలో ఆమె త‌న నాట్య ప్ర‌తిభ‌ని ప్ర‌ద‌ర్శించ‌డానికి `మీనాక్షీ క‌ల్యాణం` పేరుతో నృత్య‌రూప‌కాన్ని ప్ర‌ద‌ర్శించ‌బోతోంది. ఈ నృత్య‌రూప‌కానికి ప‌సుమ‌ర్తి రామ‌లింగ‌శాస్త్రి ద‌ర్శ‌క‌త్వం వ‌హించ‌నున్నారు. శిల్ప‌క‌ళావేదిక‌లో డిసెంబ‌ర్ 17 సాయంత్రి 6 గంట‌ల‌కు ఈ కార్య‌క్రమాన్ని నిర్వ‌హించ‌నున్నారు. ఈ కార్య‌క్ర‌మాన్ని హారిక అండ్ హాసిని క్రియేష‌న్స్‌, ఫార్చూన్ 4 సినిమాస్ సంయుక్తంగా ఏర్పాటు చేస్తున్నారు. ఈ భారీ ఈవెంట్ కి ప‌వ‌ర్ స్టార్ ప‌వ‌న్ క‌ల్యాణ్ ముఖ్య అతిథిగా హాజ‌రు కానున్నారు.

ఈ కార్య‌క్ర‌మానికి సంబంధించిన సౌజ‌న్య శ్రీ‌నివాస్ `మీనాక్షీ క‌ల్యాణం` పోస్ట‌ర్ ని ఈ రోజు ఆవిష్క‌రించారు. ఈ పోస్ట‌ర్ లో సౌజ‌న్య శ్రీ‌నివాస్ క్లాసిక‌ల్ డ్యాన్స్ అవ‌తార్ లో దేవ‌తా మూర్తిలా క‌నిపిస్తున్నారు. ప్ర‌స్తుతం ఈ పోస్ట‌ర్ సోష‌ల్ మీడియాలో వైర‌ల్ గా మారి చ‌క్క‌ర్లు కొడుతోంది. సౌజ‌న్య శ్రీ‌నివాస్ ఈ వెంట్ కి అనిందిత మీడియా ఏర్పాట్లు చూస్తోంది. ఫీనిక్స్ ఫ‌రెవ‌ర్‌, సాయి సూర్యా డెవ‌లాప‌ర్స్ ఈ కార్య‌క్ర‌మాన్ని స్పాన్స‌ర్ చేస్తున్నారు. ఈ ఈ వెంట్ కోసం త్రివిక్ర‌మ్ అభిమానులు భారీ సంఖ్య‌లో తర‌లిరానున్నార‌ట‌. ఈ కార్య‌క్ర‌మంలో ముఖ్య అతిథిగా ప‌వ‌న్ క‌ల్యాణ్ పాల్గొంటుండ‌గా గౌర‌వ అతిథిగా తెలంగాణ భాషా సంస్కృతిక శాక డైరెక్ట‌ర్ మామిడి హ‌రికృష్ణ పాల్గొంటున్నారు. అంతే కాకుండా వీరితో పాటు త్రివిక్ర‌మ్, త‌నికెళ్ల భ‌ర‌ణి, వ‌సంత ల‌క్ష్మి న‌ర‌సింహాచారి, చుక్క‌ప‌ల్లి సురేష్‌, స‌తీస్ చంద్ర గుప్త త‌దిత‌రులు పాల్గొంటున్నారు.