వీర‌మ‌ల్లు ఫోజ్.. `జానీ`ని గుర్తు చేశాడంటూ!

పవన్ కళ్యాణ్ రెండు ప‌డ‌వ‌ల ప్ర‌యాణంపై ఆస‌క్తి నెల‌కొంది. ఓవైపు రాజ‌కీయాలు మ‌రోవైపు సినిమాల‌ను అత‌డు బ్యాలెన్స్ చేస్తూ ముందుకు న‌డిపిస్తున్న వైనం స్ఫూర్తి నింపుతోంది. తాజాగా తన కొత్త సినిమా హరి హర వీర మల్లు ప్రిపరేషన్ లో బిజీగా ఉన్నాడు. త్వరలో భారీ షెడ్యూల్ ప్రారంభం కానుంది. యూనిట్ మొత్తం దాని కోసం ప్రిపరేషన్ లో బిజీగా ఉంది.

పవన్ కళ్యాణ్ ఈ సినిమా త‌దుప‌రి షెడ్యూల్ లో భారీ యాక్ష‌న్ ఘ‌ట్టాల్లో న‌టించాల్సి ఉంది. ప్ర‌స్తుతం పోరాటాల‌కు సంబంధించి ప్రాక్టీస్ సెషన్స్ లో బిజీగా ఉన్నాడు. సెట్స్ నుండి ఒక ఫోటో ఇప్పుడు వైరల్ గా మారింది. ఇక్కడ కూల్ హూడీలో కనిపిస్తున్న పవన్ క‌రాటే ఫోజ్ లో చురుగ్గా కనిపిస్తున్నాడు. కొద్ది సేపటికే ఈ ఫొటో వైరల్‌గా మారి అభిమానులను ఆనందపరిచింది. నిధి అగర్వాల్ కథానాయికగా నటిస్తున్న ఈ చిత్రానికి క్రిష్ దర్శకత్వం వహిస్తున్నారు. ఎంఎం కీరవాణి సంగీతం అందిస్తున్నారు.

కొంద‌రు ఈ ఫోటోని సామాజిక మాధ్య‌మాల్లో షేర్ చేస్తూ జానీ మూవీని గుర్తు చేసావ్ బ్రో! అంటూ కామెంట్లు చేయ‌డం విశేషం. నిజానికి జానీ మూవీ కోసం ప‌వ‌న్ క‌ల్యాణ్ అప్ప‌ట్లో చాలా శ్ర‌మించారు. ఆ చిత్రంలో రియ‌ల్ స్టంట్స్ తో అల‌రించారు.

త‌న వైఫ్‌ రేణుదేశాయ్ తో క‌లిసి ప‌వ‌న్ న‌టించిన సంగ‌తి తెలిసిందే. కుటుంబం కోసం చావో బ‌తుకో తేల్చుకోవాల్సిన స‌న్నివేశంలో ఒక ఫైట‌ర్ ఎలాంటి పోరాటం చేయాల్సొచ్చింది? అన్న కాన్సెప్టుతో జానీ ఆద్యంతం యాక్ష‌న్ ఘ‌ట్టాల‌తో తెర‌కెక్కింది. ఆ మూవీ కోసం ప‌వ‌న్ మార్ష‌ల్ ఆర్ట్స్ ని తీవ్రంగా ప్రాక్టీస్ చేసారు అప్ప‌ట్లో. సినిమా ప‌రాజ‌యంతో ఆ క‌ష్టం వృథా అయ్యింది. క‌ల్ట్ ఫార్మాట్ మేకింగ్ లో చాలా లోపాల వ‌ల్ల ఫెయిలైన సంగ‌తి తెలిసిందే.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.