ఐదు రోజుల్లో ఫ‌టా ఫ‌ట్ డ‌బ్బింగ్ ముగించిన‌ ప‌వ‌న్!

ఎట్ట‌కేల‌కు వ‌కీల్ సాబ్ డ‌బ్బింగ్ ముగించి ప‌వ‌ర్ స్టార్ ప‌వ‌న్ క‌ల్యాణ్ త‌న ద‌ర్శ‌కుడు వేణు శ్రీ‌రామ్ తో క‌లిసి ఫోటో దిగారు. ప్ర‌స్తుతం ఆ ఫోటో అంత‌ర్జాలంలో వైర‌ల్ గా మారింది. నిజానికి ఈ వారం ప్రారంభంలో పవన్ కళ్యాణ్ వకీల్ సాబ్ డబ్బింగ్ మొద‌లు పెట్టారు. ఐదు రోజుల్లో ఫ‌టా ఫ‌ట్ పూర్తి చేశారు. గత రాత్రి పవన్ తన పాత్రకు డబ్బింగ్ ‌ను పూర్తి చేసిన‌ అనంత‌రం ద‌ర్శ‌కుడు వేణు శ్రీ‌రామ్ స‌హా ఇత‌ర టీమ్ తో ఇలా ఫోటో దిగారు.

ఓవైపు బ్యాక్ టు బ్యాక్ షూటింగుల‌తో బిజీగా ఉన్నా ప‌వ‌న్ వ‌కీల్ సాబ్ కి సంబంధించిన‌ ప్ర‌తిదీ షెడ్యూల్ ప్ర‌కారం పూర్తి చేస్తున్నారు. ఇక‌పై ప్ర‌చారం ఒక్క‌టే పెండింగ్. ఇప్ప‌టికే ప‌వ‌న్ తో మీడియా ఇంట‌ర్వ్యూ కూడా సిద్ధ‌మైంది. విజువ‌ల్స్ ఎడిటింగ్ స్టేజ్ లో ఉన్నాయి.

ఈ మూవీ విజ‌యంపైనా టీమ్ ధీమాగా ఉంది. మొద‌టిసారి ప‌వ‌న్ ఒక డిఫ‌రెంట్ టోన్ ఉన్న పాత్ర‌లో క‌నిపించ‌నున్నారు. వ‌కీల్ సాబ్ అన్న టైటిల్ కి త‌గ్గ‌ట్టే లాయ‌ర్ గా అతడి పాత్ర అంతే ప‌వ‌ర్ ఫుల్ గా ఉండ‌నుందని స‌మాచారం. ఇక యాక్ష‌న్ పార్ట్ తో పాటు క‌థానాయిక‌తో రొమాన్స్ కూడా ర‌క్తి క‌ట్టిస్తుంద‌న్న స‌మాచారం ఉంది కాబ‌ట్టి అభిమానుల‌కు అది నిజంగా పండ‌గే.

మార్చి 29న వకీల్ సాబ్ ట్రైలర్ రిలీజ్ కానుంది. మ‌రో నాలుగు రోజుల‌కు ప్రీరిలీజ్ వేడుక‌ను నిర్వ‌హిస్తారు. ఏప్రిల్ 9 న సినిమా విడుదలవుతుంది. దిల్ రాజు - బోనిక‌పూర్ సంయుక్తంగా ఈ చిత్రాన్ని నిర్మించారు. శ్రుతిహాస‌న్ క‌థానాయిక‌గా న‌టించ‌గా నివేద థామ‌స్ త‌దిత‌రులు కీల‌క పాత్ర‌లు పోషించారు.