ప‌వ‌న్‌- తార‌క్.. `మాట‌` క‌లిపిన బంధం!

ఎంతో మ‌దిస్తే కానీ త్రివిక్ర‌మ్ ఒక్కో డైలాగ్ రాయ‌డు. ఆ డైలాగుల ప్ర‌భావం ఏ రేంజులో ఉంటుంది? అంటే ఒక స్టార్ హీరో ఇంకో స్టార్ హీరో నోట వ‌చ్చిన డైలాగ్ అని తెలిసీ త‌న‌ నోట ప‌లికేలా చేస్తుంది. యాథృచ్ఛికంగానో - య‌థాలాపంగానో వేదిక‌ల‌ పై త్రివిక్ర‌మ్ రాసే గ‌త సినిమాల‌ డైలాగుల్ని హీరోలు త‌మ ఈవెంట్ల‌లో ప‌ల‌కాల్సిందే. అంత‌టి ప్ర‌భావం ఉంటుంంది కాబ‌ట్టే నంద‌మూరి హీరో ఎన్టీఆర్.. మెగా హీరో ప‌వ‌న్ క‌ల్యాణ్ డైలాగ్‌ ని త‌న నోట ప‌లికాడు. ఇది ఇటు తార‌క్ అభిమానుల్లో - అటు ప‌వ‌న్ క‌ల్యాణ్ అభిమానుల్లో తాజాగా చ‌ర్చ‌కొచ్చింది.

కంటికి కనిపించని శత్రువుతో బయటకు కనబడని యుద్ధం చేస్తున్నా! అంటూ అత్తారింటికి దారేది క్లైమాక్స్‌ లో ప‌వ‌న్ ఓ డైలాగ్ చెబుతాడు. ఇదే డైలాగ్‌ ని త్రివిక్ర‌మ్ రాసిన ఓ డైలాగ్ అంటూ ప్ర‌స్థావించాడు తార‌క్. అంటే త‌న‌ను ఆ డైలాగ్ ఎంత‌గా వెంటాడిందో, త్రివిక్ర‌మ్‌లో ని డెప్త్ ఎంత‌గా ఆక‌ట్టుకుందో అర్థం చేసుకోవ‌చ్చు. ఆ డైలాగ్ చెబుతూ ప‌వ‌న్ పేరు కానీ - అత్తారిల్లు పేరు కానీ తార‌క్ ప్ర‌స్థావించ‌లేదు. ఆ డైలాగ్‌లో ఉన్న మార్మిక‌త‌ - అంత‌ర్మ‌ధ‌నం గురించి చెప్పాడు.

ఆ డైలాగ్‌ని ఎగ్జాంపుల్‌గా చెబుతూ త‌న కోసం క‌థ రాస్తూ త్రివిక్ర‌మ్ ఎంత‌టి యుద్ధం చేశాడో తార‌క్ నిన్న‌టిరోజున `అర‌వింద స‌మేత‌` స‌క్సెస్ ఈవెంట్‌లో చెప్పిన తీరు మైమ‌రిపించింది. `అరవింద సమేత` కథ కంటే ముందు త్రివిక్రమ్ రెండు క‌థ‌లు చెప్పినా, అవి చెప్పేటప్పుడు ఆయన కళ్ళల్లో స్పార్క్‌ కనిపించలేదు. అరవింద సమేత క‌థ చెబుతున్నంత‌సేపూ అది క‌నిపించింద‌ని అన్నాడు తార‌క్. గుండె లోతుల్లో చిర‌స్థాయిగా నిలిచే .. గ‌ర్వంగా పిల్ల‌ల‌కు చూపించే చిత్రాన్ని త్రివిక్ర‌మ్ ఇచ్చాడ‌ని తార‌క్ పొగిడేశాడు. మొత్తానికి త్రివిక్ర‌మ్ డైలాగులు మెగా- నంద‌మూరి హీరోల్ని అలా క‌లిపేశాయ‌న్న‌మాట‌!!