హైప్ ఉంది.. కానీ ప్రమోషన్స్ ఏవి: స్టార్ హీరో ఫ్యాన్స్

పవర్ స్టార్ పవన్ కళ్యాణ్ త్వరలో 'వకీల్ సాబ్' సినిమాతో టాలీవుడ్ రీఎంట్రీ అని తెలిసిందే. ఈ సినిమాకు వేణు శ్రీరామ్ దర్శకత్వం వహించాడు. గతేడాది వేసవిలోనే విడుదల కావాల్సిన వకీల్ సాబ్ లాక్డౌన్ కారణంగా వాయిదా పడింది. దాదాపు ఏడాది వాయిదాపడి ఇదే వేసవిలో ఏప్రిల్ 9న విడుదలకు సిద్ధం అయింది. వకీల్ సాబ్ పోస్టర్స్, టీజర్లతో పాటు సాంగ్స్ చూస్తే సినిమా పై భారీ అంచనాలే నెలకొన్నాయి. వకీల్ సాబ్ పాత్రలో తమ హీరోను చూడాలని అభిమానులు ఎప్పటినుండో ఎదురుచూస్తున్నారు.వకీల్ సాబ్ మూవీ బిగ్ బి అమితాబ్ నటించిన పింక్ సినిమాకు రీమేక్. అలాగే ఈ సినిమా తమిళ రీమేక్ కూడా భారీ హిట్ అందుకుంది.

తాజా సమాచారం ప్రకారం.. పవన్ కళ్యాణ్ అభిమానులు నిరాశలో ఉన్నట్లు తెలుస్తుంది. ఎందుకంటే సినిమా విడుదలకు నెలరోజుల టైం కూడా లేదు. పవర్ స్టార్ ఫ్యాన్ బేస్ చూస్తే దేశవ్యాప్తంగా ఉంది. అలాంటప్పుడు ఇంతవరకు వకీల్ సాబ్ ప్రమోషన్స్ మొదలుపెట్టలేదు. ఆల్రెడీ సినిమా పై జనాల్లో ఓ స్థాయి హైప్ ఉంది. ప్రమోషన్స్ కూడా చేయకపోతే జనాల్లో హైప్ కోల్పోయే అవకాశం ఉంది. ఎందుకంటే ఈరోజుల్లో అన్ని చేసిన సినిమాలకే థియేటర్లలో జనాలు కనిపించడంలేదు. అలాంటిది ఇంతవరకు అసలే ప్రమోషన్స్ చేయని సినిమాల పరిస్థితి మరీ దారుణం. మరి ఎంతగా అభిమానం ఉన్నప్పటికీ ఒకేరోజు చాలా సినిమాలు రిలీజ్ అవుతున్న రోజులివి. అదికూడా బిగ్ స్టార్స్ సినిమాలకు ప్రమోషన్స్ ఏ రేంజిలో చేయాలి అంటూ ఫ్యాన్స్ అభిప్రాయపడుతున్నారు. చూడాలి మరి వకీల్ సాబ్ చిత్రబృందం ఎలాంటి ప్లాన్ లో ఉందో!