ప‌వ‌న్ ఫ్యాన్స్ శాడిస్టులు కాదు

ప‌వ‌ర్‌ స్టార్ ప‌వ‌న్ క‌ల్యాణ్ - స్పీడ్ డైరెక్ట‌ర్ పూరి జ‌గ‌న్నాథ్.. ఈ ఇద్ద‌రి మ‌ధ్యా అనుబంధం స‌ప‌రేట్. ప‌వ‌న్ హీరోగా బ‌ద్రి, కెమెరామెన్ గంగ‌తో రాంబాబు సినిమాలు తెర‌కెక్కించాడు పూరి. అయితే ఈ ఇద్ద‌రి మ‌ధ్యా కొన్ని అభిప్రాయ భేధాలు ఉన్నాయ‌న్న ప్ర‌చారం కూడా ఉంది. కెమెరామెన్ గంగ‌తో రాంబాబు టైమ్‌ లో ఈ ఇద్ద‌రికీ మ‌ధ్య గొడ‌వ‌ల‌య్యాయ‌ని చెప్పుకున్నారు. కార‌ణం ఏదైనా ఇద్ద‌రిమ‌ధ్యా డిఫ‌రెన్సెస్ ఆల్ టైమ్ హాట్ టాపిక్‌.

లేటెస్టుగా మ‌రోసారి ఈ ఇద్ద‌రి మ‌ధ్యా ఇష్యూ రెయిజ్ అయ్యింది. మొన్న‌టి రోజున లోఫ‌ర్ ఆడియో వేడుక‌లో ప‌వ‌న్ ఫ్యాన్స్ ప‌వ‌ర్‌ స్టార్ ప‌వ‌ర్‌ స్టార్ అని గోల చేస్తుంటే పూరీ వారించే ప్ర‌య‌త్నం చేశాడు. టైమింగ్ సెన్స్ లేకుండా ప‌వ‌న్ అభిమానులు ప్ర‌వ‌ర్తించార‌ని పూరి అభిప్రాయ ప‌డ్డాడు. అభిమానుల‌కు ప‌వ‌న్ కాస్త క్ర‌మ‌శిక్ష‌ణ నేర్పించాల‌ని అన్నాడు. ఈ మాటకు మీడియాలో ఓ రేంజులో ప్ర‌చారం చేసింది. దాంతో ప‌వ‌న్ అభిమానులు పూరీపై కోపంగా ఉన్నార‌ని టాక్‌. అందుకే పూరీ డైరెక్ట్ చేసిన లోప‌ర్ మూవీని బోయ్‌ కాట్ చేయాల‌ని ప‌వ‌న్ ఫ్యాన్స్ నిర్ణ‌యించుకున్నార‌ని చెబుతున్నారు.

అయితే ఇందులో వాస్త‌వ‌మెంత‌ అని ఆరాతీస్తే.. ప‌వ‌న్ అభిమానుల నుంచి రిప్ల‌య్ వ‌చ్చింది. సోష‌ల్ మీడియాలో ఫ్యాన్స్ పేజీని తిర‌గేస్తే ఇంట్రెస్టింగ్ మ్యాట‌ర్స్ తెలిశాయి. ప‌వన్ అభిమానులు శాడిస్టులు కాదు. అయినా సినిమాల్ని బోయ్‌ కాట్ చేయ‌డం అభిమానుల అభిమ‌తం కాదు. సినిమా బావుంటే ఎవ‌రినైనా ఎంక‌రేజ్ చేస్తాం. ఆ రోజు ఆడియో వేదిక వ‌ద్ద అరిచిన‌వాళ్లంతా ప‌వ‌న్ ఫ్యాన్స్ కానే కాదు.. అంటూ చెప్పుకొచ్చారు. సో.. ఫ్యాన్స్‌ సినిమాలను బాయ్‌ కాట్‌ చేస్తున్నారు అనే విషయాలు నమ్మకండి.