బన్నీపై కోపం తగ్గినట్లుందే!!

సరైనోడు సినిమా అల్లు అర్జున్ కెరీర్ లో బిగ్గెస్ట్ హిట్ మాత్రమే కాదు.. అప్పటికి ఇండస్ట్రీ టాప్5 హిట్స్ లో కూడా చేరిపోయింది. అయితే ఈ మూవీ సక్సెస్ మీట్ లో బన్నీ చేసిన 'చెప్పను బ్రదర్' కామెంట్ మాత్రం పవన్ కళ్యాణ్ ఫ్యాన్స్ కు బాగా ఆగ్రహం తెప్పించింది.

పవన్ గురించి చెప్పను అనడాన్ని మైండ్ లో పెట్టుకున్న పవర్ స్టార్ ఫ్యాన్స్.. బన్నీ నటిస్తున్న నెక్ట్స్ మూవీ డీజేను టార్గెట్ చేసుకున్నారు. దువ్వాడ జగన్నాధం టీజర్ కు డిజ్ లైక్ లు కొట్టి తమ రియాక్షన్ తెలియచేశారు ఫ్యాన్స్. ఈ ట్రెండ్ ఆ తర్వాత మెల్లగా నెమ్మదించింది. డీజే టైటిల్ సాంగ్ విషయంలో కూడా డిజ్ లైక్ లు చెప్పుకోదగిన స్థాయిలోనే పడ్డాయి. కానీ రీసెంట్ గా రిలీజ్ చేసిన 'గుడిలో బడిలో' సాంగ్ ప్రోమోకు మాత్రం ఆ స్థాయిలో డిజ్ లైక్స్ రాలేదు. పాట కూడా సూపర్బ్ గా ఉండడం.. అల్లు అర్జున్-పూజా హెగ్డేల పెయిర్ ఆకట్టుకోవడం లాంటి ఫ్యాక్టర్స్ కూడా వర్కవుట్ అయ్యాయి.

సాధారణ స్థాయితో పోల్చితే ఈ డిజ్ లైక్స్ కౌంట్ ఎక్కువే కానీ.. గతంలో డీజే పబ్లిసిటీ మెటీరియల్ కు వచ్చిన వాటితో పోల్చితే చాలా తక్కువ. చూస్తుంటే పవన్ ఫ్యాన్స్.. దువ్వాడ జగన్నాధంపై కోపాన్ని క్రమక్రమంగా తగ్గించుకుంటున్నట్లుగా కనిపిస్తోంది. ఒక రకంగా ఇది సినిమాకు పాజిటివ్ సిగ్నల్ అనాల్సిందే.



Like Us on Facebook : https://www.facebook.com/Tupakidotcom/