ఫంక్షన్ చివర్లో.. పవన్ ఫ్యాన్స్ రచ్చ

ఖైదీ నంబర్ 150 ప్రీ రిలీజ్ ఫంక్షన్ గ్రాండ్ గానే జరిగింది. అయితే.. అనుకున్నదాని కంటే ఎక్కువ సంఖ్యలో అభిమానులు తరలి రావడంతో వారిని కంట్రోల్ చేయడం పోలీసులకు అసాధ్యంగా మారిపోయింది. పరిస్థితి చేజారుతుందనే భయంతో ఫంక్షన్ ను హడావిడిగా పూర్తి చేయాల్సిన పరిస్థితి తలెత్తింది. అయితే.. ఈ వేడుక జరుగుతున్నపుడు.. ఆ తర్వాత పవన్ కళ్యాణ్ ఫ్యాన్స్ నానా హంగామా చేశారనే వార్తలు ఉండగా.. ఇప్పుడు వీడియోలు కూడా బయటకు వచ్చాయి.

ఖైదీ నంబర్ 150 ఫంక్షన్ కు పవన్ ను ఎన్ని రకాలుగా ఆహ్వానించినా.. హాజరు కాకపోవడం మెగా హీరోలను కొంత నిరుత్సాహానికి గురి చేసింది. అందుకే ఎవరూ పవన్ పేరును ప్రస్తావించకుండానే కార్యక్రమాన్ని పూర్తి చేశారు. ఇది పవన్ హార్డ్ కోర్ ఫ్యాన్స్ ని తీవ్ర నిరాశకు గురిచేసింది. దీంతో ఫంక్షన్ పూర్తయ్యాక.. అక్కడున్న కుర్చీలను నాశనం చేస్తూ.. స్టేజ్ పై ఉన్నవారిని తిట్లూ తిడుతున్న వీడియో ఒకటి వైరల్ గా మారిపోయింది.

బన్నీ ఫోటోలకు పోజులు ఇస్తున్నపుడు కూడా.. పవర్ స్టార్ పవర్ స్టార్ అంటూ నినాదాలు చేసి ఇబ్బంది పెట్టేందుకు ట్రై చేశారు పవన్ ఫ్యాన్స్. ఇతర ఫంక్షన్స్ లోనే కాకుండా.. మెగా ఫంక్షన్స్ లో కూడా పవన్ ఫ్యాన్స్ పవర్ స్టార్ నినాదాలతో ఇబ్బంది పెడుతుండడం అందరినీ అసహనానికి గురి చేస్తోంది.

Like Us on Facebook : https://www.facebook.com/Tupakidotcom/