గబ్బర్‌ సింగ్‌ 2.. కొత్త అప్‌ డేట్‌

పవన్‌ కల్యాణ్‌ గబ్బర్‌ సింగ్‌ 2 పరిస్థితి 'ఎక్కే రైలు, దిగే రైలు' అన్నట్టే ఉంది. ఈ సినిమా ఆరంభమే ఆలస్యం. దర్శకుడి ఎంపిక విషయంలో ఆలస్యం. కథ కోసం కసరత్తు ఆలస్యమే, హీరోయిన్‌ ఎంపిక కూడా ఆలస్యమే. ఇప్పుడు షూటింగ్‌ విషయంలోనూ జాప్యం అవుతూ అంతకంతకూ లెంగ్త్‌ పెరుగుతూనే ఉంది. అప్పట్లో పూణేలోని ఓ మారుమూల గ్రామంలో కొంత షూటింగ్‌ చేశారు. పవన్‌ గుబురు గడ్డం గెటప్పులో కొంత షూట్‌ చేశారు.

ఆ తర్వాత మళ్లీ ఎందుకనో గ్యాప్‌. ఈ విషయంపై పవన్‌ ఫ్యాన్స్‌ ఇప్పటికే గుర్రు మీద ఉన్నారు. బాస్‌ సినిమా ఎప్పుడొస్తుందా? అని కళ్లు కాయలు కాసేలా ఎదురు చూసి అందరికీ నీరసం వచ్చేస్తోంది. ఈ విషయం అర్థమైందో ఏమో పవన్‌ ఇక స్పీడ్‌ పెంచేయడానికి రెడీ అవుతున్నాడు. ఇలాంటి పరిణామాల మధ్య బాబి ఈ అవకాశాన్ని ఎట్టి పరిస్థితుల్లో మిస్‌ యూజ్‌ చేసుకోకుండా హిట్టు కొట్టడానికి పకడ్భంధీ గా వ్యూహం రచిస్తున్నాడని టాక్‌. గబ్బర్‌సింగ్‌ 2 చిత్రీకరణ మళ్లీ మొదలు కానుంది. ఆగస్టు 2 నుంచి రెగ్యులర్‌ షూటింగ్‌ ప్రారంభమవుతుంది.

అలాగే ఈ చిత్రంలో తన పాత్ర ఆన్‌ సెట్స్‌కొచ్చే శుభసందర్భం కోసం అనీషా ఆంబ్రోస్‌ ఎంతో ఆత్రంగా ఎదురు చూస్తోంది. ఎదురు చూపు ఫలించే సందర్భమూ ఇక రానుంది. టీవీ నటుడు శరద్‌ కపూర్‌ ఈ చిత్రంలో విలన్‌ గా నటించనున్నాడు. అలాగే ఓ ముఖ్యమైన అప్‌ డేట్‌ ఏంటంటే? గబ్బర్‌సింగ్‌ 2 ఫస్ట్‌ లుక్‌ ని మెగాస్టార్‌ చిరంజీవి పుట్టినరోజు అంటే ఆగస్టు 22న విడుదల చేయనున్నారు.