పవన్ డిన్నర్ ముందు సూప్ ఇస్తున్నాడు

అటు ఇటుగా ఇంకో మూడు వారాలు మాత్రమే సమయం ఉంది ‘సర్దార్ గబ్బర్ సింగ్’ విడుదలకు. పవర్ స్టార్ సినిమా వస్తోందంటే ఆ హంగామా ఎలా ఉంటుందో ప్రత్యేకంగా చెప్పాల్సిన పని లేదు. ఆల్రెడీ ‘సర్దార్..’ మేకింగ్ వీడియో రచ్చ రచ్చ చేస్తోంది ఇంటర్నెట్లో. దీంతో పాటుగా రోజూ కొన్ని ఆసక్తికరమైన ఫొటోలు రిలీజ్ చేస్తూ అభిమానుల్ని ఉర్రూతలూగిస్తోంది సర్దార్ టీమ్. ఇక ఆడియో ఫంక్షన్ రోజు సందడి ఎలా ఉంటుందో చెప్పాల్సిన పని లేదు. ఈ ఆదివారమే ‘సర్దార్’ ఆడియో ఫంక్షన్ అంగరంగ వైభంగా చేయబోతున్నారు. పాటలెలా ఉంటాయి.. దేవిశ్రీ సందడి ఎలా ఉంటుంది.. పవన్ ఏం మాట్లాడతాడు.. థియేట్రికల్ ట్రైలర్ ఎలా ఉండబోతోంది.. అని ఉత్కంఠగా ఎదురు చూస్తున్నారు పవన్ ఫ్యాన్స్.

ఐతే ఆడియో వేడుక ముందు కూడా తన అభిమానులకు ఓ కానుక ఇస్తున్నాడు పవన్. ఈ బుధవారం ‘సర్దార్ గబ్బర్ సింగ్’ ఆడియో టీజర్ రిలీజ్ చేయబోతున్నారు. ఇది 20 సెకన్ల నిడివి ఉంటుందట.ఇందులో డైలాగులేమీ ఉండవట. కేవలం విజువల్స్ - బ్యాగ్రౌండ్ స్కోర్ మాత్రమే ఉంటాయి. ఆల్రెడీ టీజర్ పని పూర్తయిపోయిందట. ఔట్ పుట్ అదిరిపోయే రేంజిలో వచ్చిందని సమాచారం. ఈ టీజర్లోనే 20న ఆడియో రిలీజ్ అన్న ప్రకటన కూడా చేస్తారు. కాబట్టి ఆడియో విందుకు ముందు దీన్ని సూప్ లాగా భావించాలన్నమాట. ఇంకో రెండు రోజులు మేకింగ్ వీడియోతో కాలక్షేపం చేసేస్తే.. ఆ తర్వాత ఆడియో వేడుక వరకు ఈ టీజర్ తో మజా చేసుకోవచ్చన్నమాట ఫ్యాన్స్.