సూర్య‌కు హెల్ఫ్ చేస్తున్న ప‌వ‌న్‌ క‌ళ్యాణ్‌

ప‌వ‌ర్‌ స్టార్ ప‌వ‌న్‌ క‌ళ్యాణ్ కేరీర్‌ లోనే బ్లాక్‌ బ‌స్ట‌ర్ అత్తారింటికి దారేది. ఈ సినిమా త‌ర్వాత త్రివిక్ర‌మ్ - ప‌వ‌న్ కాంబినేష‌న్ లో మ‌రో సినిమా కోసం ప‌వ‌న్ ఫ్యాన్స్‌ తో పాటు టాలీవుడ్ సినిమా ప్రిములంద‌రూ ఎంతో ఆస‌క్తితో ఎదురు చూస్తున్నారు. అందుకు త‌గ్గ‌ట్టుగానే వీరిద్ద‌రి కాంబినేష‌న్ లో 2016లో కోబ‌లి ప‌ట్టాలెక్క‌నుంద‌ని కూడా వార్త‌లొచ్చాయి. ప‌వ‌న్ ప్ర‌స్తుతం స‌ర్దార్ గ‌బ్బ‌ర్‌ సింగ్ సినిమాలో న‌టిస్తున్నారు. ఇక త్రివిక్ర‌మ్ నితిన్ అ..ఆ సినిమాను డైరెక్ట్ చేస్తున్నాడు.

వీరు చేస్తున్న ఈ రెండు ప్రాజెక్టుల త‌ర్వాత కోబ‌లి ప‌ట్టాలెక్కుతుంద‌ని టాక్ వ‌చ్చింది. అయితే స‌డ‌న్‌ గా త్రివిక్ర‌మ్‌- సూర్య కాంబినేష‌న్ లో ఓ బై లింగ్విల్ మూవీ ఫిక్స‌య్యింది. నితిన్‌ తో చేస్తోన్న అ..ఆ త‌ర‌వాత త్రివిక్ర‌మ్ - సూర్య కాంబోలో రూపొందే సినిమా సెట్స్ పైకి తీసుకెళ్ల‌నున్నాడు. తెలుగు - త‌మిళ భాష‌ల్లో ఏక‌కాలంగా తెర‌కెక్కే ఈ సినిమాను సూర్య సొంతంగా నిర్మిస్తార‌ని తెలుస్తోంది.

సూర్య‌-త్రివిక్ర‌మ్ ప్రాజెక్టు ఓకే అవ్వ‌డంలో ప‌వ‌న్‌ క‌ళ్యాణ్ ప‌రోక్షంగా హీరో సూర్య‌కు సాయం చేశాడ‌ని తెలుస్తోంది. కోబ‌లి ప‌ట్టాలెక్కించేందుకు మ‌రి కొంత టైం ప‌ట్టే సూచ‌న‌లు ఉండ‌డంతో త్రివిక్ర‌మ్ ప‌వ‌న్ అనుమ‌తితోనే సూర్య‌కు స్టోరీ చెప్ప‌డం...ఓకే చేయించుకోవ‌డం జ‌రిగిన‌ట్టు తెలుస్తోంది. అందుకే కోబ‌లిని పోస్ట్‌ పోన్ చేశార‌ని, ఆ స్థానంలోనే సూర్య సినిమా ఓకే అయ్యింద‌ని స‌మాచారం