మ‌రోసారి కేక పెట్టించేస్తున్నాడోచ్‌

కెవ్వు కేక నా సామిరంగ‌... అంటూ ప‌వ‌న్‌ క‌ల్యాణ్ చేసిన హంగామాని తెలుగు ప్రేక్ష‌కులు అంత త్వ‌ర‌గా మ‌రిచిపోలేరు. ఊపొచ్చే పాట అన‌గానే ఇప్ప‌టికీ గ‌బ్బ‌ర్‌ సింగ్‌ లోని కెవ్వు కేక పాటనే గుర్తు చేసుకొంటారంతా. మ‌రిప్పుడు గ‌బ్బ‌ర్‌ సింగ్‌ కి సీక్వెల్ వ‌స్తుందంటే మ‌ళ్లీ ఐటెమ్ పాట‌ని ఎక్స్‌ పెక్ట్ చేస్తారు క‌దా ప్రేక్ష‌కులు. ఆ పాట కూడా కెవ్వు కేక రేంజ్‌ లో ఉండాల‌నుకొంటారు క‌దా. ఆ విష‌యాన్ని ముందే ప‌సిగ‌ట్టిన బాబీ అండ్ టీమ్ కెవ్వు కేక‌ని మించిపోయే పాట‌ని రెడీ చేసింది.

ప్ర‌స్తుతం ప‌వ‌న్ క‌ళ్యాణ్ - ల‌క్ష్మీరాయ్‌ ల‌పై ఆ ప్ర‌త్యేక‌గీతాన్ని తెర‌కెక్కిస్తున్నారు. ప‌వ‌న్‌ తో ఛాన్స్ అన‌గానే ఆనందంతో గంతులేసింది ల‌క్ష్మీరాయ్‌. అదే ఉత్సాహాన్ని కంటిన్యూ చేస్తూ పాట‌లో హొయ‌లు పోయిన‌ట్టుంది. లక్ష్మీరాయ్ ఊపుల్ని చూసి ఇదిగో ప‌వ‌న్‌ క‌ళ్యాణ్ ఇలా సిగ్గుప‌డిపోతున్నాడు. సెట్ నుంచి బ‌య‌టికొచ్చిన ఈ ఫొటోలు చూస్తుంటే కుర్ర‌కారుకు కిక్కెక్కుతోంది. అభిమానులైతే సినిమాని ఎప్పుడెప్పుడు చూద్దామా, థియేట‌ర్‌ లో ఎప్పుడెప్పుడు కేక‌లేద్దామా అన్న‌ట్టు ఉత్సాహంగా ఎదురు చూస్తున్నారు. ఇక్క‌డ ప‌వ‌న్‌ కళ్యాణ్ వాల‌కం చూస్తుంటే స‌ర్దార్ గ‌బ్బ‌ర్‌ సింగ్‌ గా ఐటెమ్ పాట‌తో అద‌ర‌గొట్టిన‌ట్టు అర్థ‌మ‌వుతోంది. ఇక్క‌డ క‌నిపిస్తున్న రెండు ఫొటోలు ప్ర‌స్తుతం నెట్‌ లో హ‌ల్‌ చ‌ల్ చేస్తున్నాయి. ఈ స్టిల్స్‌ ని చూశాక మ‌రిన్ని అంచ‌నాల‌ను పెంచుకొంటున్నారు. ల‌క్ష్మీరాయ్ మాత్రం ఓ రేంజ్‌ లో అందాలు ఆర‌బోసిన‌ట్టు అర్థ‌మ‌వుతోంది.