కాటమరాయుడూ.. ప్రమోషన్స్ ఏవమ్మా!?

పవన్ కళ్యాణ్ మూవీ కాటమరాయుడు మార్చ్ 24న విడుదల కానుంది. ఇప్పటికే సెన్సార్ కూడా కంప్లీట్ అయిపోయింది. అంటే పవర్ స్టార్ సినిమా విడుదలకు కచ్చితంగా మరో వారం రోజులు మాత్రమే ఉంది. సహజంగా సినిమా రిలీజ్ వారం రోజుల ముందు అంటే.. విపరీతమైన హంగామా నడుస్తుంటుంది.

కానీ కాటమరాయుడు విషయంలో మాత్రం ఇటు పవన్ కళ్యాణ్ కానీ.. అటు నిర్మాత కానీ.. ప్రమోషన్స్ చేయడం లేదు. ఇప్పటివరకూ కనీసం ప్రీరిలీజ్ ఫంక్షన్ కూడా జరగలేదు. థియేట్రికల్ ట్రైలర్ కూడా రిలీజ్ చేయలేదు. దీంతో సినిమాపై బజ్ ఏ మాత్రం పెరగడం లేదు. అసలు కాటమరాయుడు ప్రారంభం నుంచే పెద్దగా ఆసక్తి లేదు. కానీ టీజర్ ఇచ్చిన తర్వాత మాత్రం జనాల్లో బాగా ఇంట్రెస్ట్ పెరిగిపోయింది. దీన్ని మరింతగా పెంచేందుకు యూనిట్ ఏ మాత్రం ప్రయత్నించకపోవడం ఆశ్చర్యకరం.

ఏ మూవీకి అయినా.. రికార్డ్ ఓపెనింగ్స్ రావాలంటే.. ప్రీ రిలీజ్ పబ్లిసిటీ చాలా ముఖ్యం. స్థానికంగా ఈ యాంగిల్ లో ప్రయత్నిస్తున్నట్లు కనిపించడం లేదు. రేపు ప్రీ రిలీజ్ ఫంక్షన్ తర్వాత ప్రమోషన్స్ మొదలుపెడతారనే అంచనా ఉన్నా.. ఆ తర్వాత మూవీ రిలీజ్ కి కేవలం 4-5 రోజుల సమయమే ఉంటుంది.

మరోవైపు ఓవర్సీస్ లో మాత్రం డిస్ట్రిబ్యూటర్ భారీ ఎత్తున ప్రచారం చేస్తుండడం విశేషం. ఓవర్సీస్ లో తెలుగు మూవీల్లోకెల్లా అత్యంత భారీగా విడుదల కానుంది కాటమరాయుడు. అంచనాలు కూడా ఉండడంతో.. అక్కడమాత్రం ప్రచారంపై బాగానే దృష్టి పెట్టడం విశేషం.



Like Us on Facebook : https://www.facebook.com/Tupakidotcom/