కాటమరాయుడు దిగితే అన్నీ మారాల్సిందే

గత కొన్ని వారాలుగా టాలీవుడ్ బాక్సాఫీస్ వెలవెలబోతోంది. లెక్కకు మించిన సినిమాలు వచ్చేస్తోన్నాయి కానీ.. అవేవీ జనాలను థియేటర్ల వరకూ రాబట్టలేకపోతున్నాయి. చాలా వరకు అసు థియేటర్లలో నిలబడలేకపోతున్నాయి. అందుకే ఈ నెల 24న పవన్ కళ్యాణ్ కాటమరాయుడు కోసం అందరూ ఆత్రంగా ఎదురుచూస్తున్నారు. కాటమరాయుడు దిగీదిగడంతోనే మొత్తం థియేటర్లలో ఉన్న సినిమాలన్నిటినీ మార్చేయనున్నాడు.

ఇదంతా మార్చ్ 24 తర్వాత పరిస్థితి అయితే.. ఈ ఛేంజింగ్ ఇప్పటికే మొదలైపోయింది. ప్రస్తుతం హైద్రాబాద్ లోని శిల్పారామంలో ఉన్న శిల్పకళా వేదికలో కాటమరాయుడు ప్రీ రిలీజ్ ఫంక్షన్ జరుగుతోంది. ఈ వేడకకు ఫ్యాన్స్ బోలెడంత మంది హాజరయ్యారు. సినిమా ఫంక్షన్ కోసం ప్రత్యేకంగా ఏర్పాటు చేసేవాటితో పాటు.. సహజంగా ఇక్కడ కొన్ని పర్మనెంట్ సెటింగ్స్ ఉంటాయి. ఐ లవ్ హైద్రాబాద్.. ఐలవ్ న్యూయార్క్ అంటూ పలు దేశాలను సూచించేలా ఇక్కడ ఏర్పాట్లు ఉంటాయి.

ఇప్పుడు వీటన్నిటినీ ఐ లవ్ పీకే అని మార్చేసి.. పవన్ పోస్టర్ వేసేశారు. ఇక్కడ చాలానే సినిమా ఫంక్షన్స్ జరుగుతాయ్ కానీ.. ఆఖరికి అక్కడి పర్మనెంట్ ఏర్పాట్లను కూడా సినిమా కోసం ఉపయోగించేయడం అంటే.. కాటమరాయుడు ప్రమోషన్స్ విషయంలో నిర్మాతల ప్లానింగ్ ఎలా ఉందో అర్దమవుతుంది.