అన్ స్టాపబుల్ నెక్స్ట్ పవన్ కళ్యాణ్ ఫిక్స్..!

బాలకృష్ణ చేస్తున్న అన్ స్టాపబుల్ షో సీజన్ 2 అంచనాలకు మించి దూసుకెళ్తుంది. ఈ సీజన్ లో ప్రతి ఎపిసోడ్ ట్రెండింగ్ లో ఉంటుంది. మిలియన్ల కొద్దీ మినిట్స్ వ్యూస్ తో అన్ స్టాపబుల్ 2 అదరగొట్టేస్తుంది. రీసెంట్ గా అన్ స్టాపబుల్ సీజన్ 2లో రెబల్ స్టార్ ప్రభాస్ వచ్చిన సంగతి తెలిసిందే. ప్రభాస్ అతని ఫ్రెండ్ హీరో గోపీచంద్ తో ఈ షోకి వచ్చారు. బాలయ్య చిలిపి ప్రశ్నలు.. ప్రభాస్ సరదా సమాధానాలు ఇలా అన్ని కలిసి ఈ ఎపిసోడ్ ని నెక్స్ట్ లెవల్లో ఉండేలా చేశాయి. ఇక అన్ స్టాపబుల్ సీజన్ 2 లో ఒక సర్ ప్రైజ్ గెస్ట్ రాబోతున్నట్టు తెలుస్తుంది.

అతనెవరో కాదు పవర్ స్టార్ పవన్ కళ్యాణ్.. అంతకుముందు నిర్మాత నాగ వంశీ వచ్చినప్పుడే త్రివిక్రం తో ఫోన్ సంభాషణలో ఎవరితో రావాలో తెలుసు కదా అని అడిగాడు. ఇక ఆహా టీం అదే క్లిప్ ని అన్ స్టాపబుల్ 2 నెక్స్ట్ గెస్ట్ ఎవరో తెలుసా అని హింట్ ఇచ్చేసింది. బాలకృష్ణ, పవన్ కళ్యాణ్ ఇది కచ్చితంగా రేర్ కాంబినేషన్. కేవలం సినిమాలే కాదు రాజకీయ పరమైన చర్చ కూడా ఈ ఇంటర్వ్యూలో భాగం అవుతుందని చెప్పొచ్చు. పవన్ కళ్యాణ్ ఎక్కువగా ఇలాంటి స్పెషల్ ఇంటర్వ్యూస్ కి వచ్చింది లేదు.

బాలయ్య హోస్ట్ గా చేస్తున్న అన్ స్టాపబుల్ షో సీజన్ 2లో పవన్ కళ్యాణ్ స్పెషల్ ఎట్రాక్షన్ కానున్నాడు. పవన్ తో బాలకృష్ణ సంభాషణలు ఎలా ఉంటాయి. వారి మధ్య రిలేషన్ ఎలాంటిది అన్నది ఈ చిట్ చాట్ తో తెలుస్తుంది. తప్పకుండా అన్ స్టాపబుల్ రెండు సీజన్లలో ఈ ఎపిసోడ్ పెద్ద సెన్సేషన్ అవుతుందని చెప్పడంలో ఎలాంటి సందేహం లేదు. బాలయ్య తన ఎనర్జిటిక్ హోస్టింగ్ టాలెంట్ తో షోని సూపర్ హిట్ చేసేస్తున్నారు. అన్ స్టాపబుల్ సీజన్ 2 ఫైనల్ ఎపిసోడ్ పవన్ కళ్యాణ్ దే అంటున్నారు.

అసలైతే చిరంజీవిని గెస్ట్ గా పిలుస్తారని వార్తలు వచ్చినా అది నెక్స్ట్ సీజన్ కి ప్లాన్ చేస్తున్నారని తెలుస్తుంది. చిరంజీవి, నాగార్జున, ఎన్.టి.ఆర్ లు థర్డ్ సీజన్ గెస్ట్ లుగా వస్తారని టాక్. హోస్ట్ గా బాలయ్య బాబు తన సత్తా చాటుతున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.