OG లోకల్ దందా షురూ

పవర్ స్టార్ పవన్ కల్యాణ్ కు రెండు తెలుగు రాష్ట్రాల్లో ఎంత ఫ్యాన్ ఫాలోయింగ్ ఉందో ప్రత్యేకంగా చెప్పాల్సిన అవసరం లేదు. ఆయన పేరు వింటేనే చాలా మంది ఎగ్జైట్ అయిపోతుంటారు. ఆయను చూసేందుకు.. ఆయన సినిమాలు చూసేందుకు విపరీతమైన ఇష్టం కనబరుస్తారు. అయితే ఈ మధ్య పవన్ కల్యాణ్ వరుసగా సినిమాలు చేస్తూ దూసుకెళ్తున్నారు. ఎక్కడా బ్రేక్ ఇవ్వకుండా చకచకా షూటింగ్ పూర్తి చేసుకుంటూ వెళ్తున్నారు.

సుజిత్ డైరెక్షన్ లో పవన్ కల్యాణ్ హీరోగా చేస్తున్న చిత్రం ఓజీ(ఒరిజినల్ గ్యాంగ్ స్టర్). ఈ సినిమా చిత్రీకరణ శరవేగంగా జరుగుతోంది. ఇదే నెల మొదటి వారంలో ముంబయిలో మొదటి షెడ్యూల్ పూర్తి చేసుకుంది.

మధ్యలో కాస్త బ్రేక్ తీసుకొని రెండో షెడ్యూల్ ను ప్లాన్ చేసింది. అయితే ఈరోజే హైదరాబాద్ లో రెండో షెడ్యూల్ షూటింగ్ ప్రారంభం అయింది. అయితే ముంబయిలోనే ఎక్కువ శాతం షూటింగ్ పూర్తి అయింది.

త్వరలోనే ఈ సినిమా చిత్రీకరణ పూర్తి చేసేందుకు డైరెక్టర్ సుజిత్ అన్ని ఏర్పాట్లు చేస్తున్నారట. ఎంత త్వరగా వీలైతే అంత త్వరగా సినిమా పూర్తి చేయాలనుకుంటున్నారట. ఏపీలో ముందస్తు ఎన్నికలు వచ్చే అవకాశం ఉండడంతో.. పవన్ కల్యాణ్ కూడా సినిమాలను త్వరగా పూర్తి చేయాలని భావిస్తున్నారట. ఇప్పటికే ఓజీ సినిమా చిత్రీకరణ చాలా వరకు పూర్తయింది కాబట్టి.. త్వరలోనే మొత్తం పూర్తయ్యే అవకాశాలు కనిపిస్తున్నాయి.

ఈ సినిమాలో పవర్ స్టార్ సరసన ప్రియాంక అరుల్ మోహన్ నటించబోతుంది. పవన్ కల్యాణ్ ఓజీ సినిమా ముంబై బ్యాక్ డ్రాప్ లో తెరకెక్కుతోంది. ఇటీవలే ఈ చిత్రానికి సంబంధించిన పవన్ కల్యాణ్ ఫొటో బయటకు వచ్చింది. అందులో పవన్ కల్యాణ్ చాలా స్టైలిష్ గా కనిపిస్తున్నారు. ఈ లుక్ చూసినప్పటి నుంచి పవన్ అభిమానులు తెగ ఎగ్జైట్ అవుతున్నారు.

ఆర్ఆర్ఆర్ సినిమా తర్వాత డీవీవీ ఎంటర్ టైన్ మెంట్ పతాకంపై డీవీవీ దానయ్య నిర్మిస్తున్న చిత్రమిది. శ్రీమతి పార్వతి చిత్ర సమర్పకురాలు. ఇప్పటికే ఈ సినిమాకు సంబంధించిన పోస్టర్లు, ఫస్ట్ లుక్ లు, గ్లింప్స్ చూస్తుంటే సినిమాపై ఆసక్తి విపరీతంగా పెరిగిపోతోంది. మరి చూడాలి ఈ సినిమా ఎప్పుడు విడదల అవుతుంది, ఏ రేంజ్ లో ప్రేక్షకులను అలరిస్తుందో.