ప‌వ‌న్ ఎందుకు రావట్లేదంటే...

రామ్ చ‌ర‌ణ్ పిలుస్తాన‌న్నాడు.. అత‌డి త‌ల్లి సురేఖ కూడా ప్ర‌త్యేకంగా ఆహ్వానం ప‌లుకుతుంద‌ట‌. అయిన‌ప్ప‌టికీ ప‌వ‌న్ క‌ళ్యాణ్ ‘ఖైదీ నెంబ‌ర్ 150’ ప్రి రిలీజ్ ఈవెంట్ కు వ‌స్తాడా అన్న‌ది సందేహంగానే ఉంది. అత‌ను క‌న్ఫ‌ర్మేష‌న్ ఇచ్చి ఉంటే ఈపాటికే అప్ డేట్ వ‌చ్చేది. మెగా అభిమానుల్లో సంబ‌రాలు మొద‌లైపోయేవి. ప్ర‌స్తుతానికి ప‌వ‌న్ వ‌స్తాడ‌న్న సంకేతాలేమీ క‌నిపించ‌ట్లేదు.

ఇంత‌కీ త‌న అన్న‌య్య కెరీర్లో కీల‌క‌మైన సినిమా వేడుక‌కు ప‌వ‌న్ ఎందుకు రావ‌ట్లేదు అన్న ప్ర‌శ్న అభిమానుల్లో త‌లెత్త‌డం స‌హ‌జం. ఐతే ‘కాట‌మ‌రాయుడు’ షూటింగ్ కోస‌మే ప‌వ‌న్ ఈ వేడుక‌కు రాలేక‌పోతున్నాడ‌ని స‌మాచారం. భారీ తారాగ‌ణంతో ముడిప‌డ్డ సినిమా కావ‌డంతో ఒక్క రోజు కూడా షెడ్యూళ్ల‌ను మార్చే అవ‌కాశం లేదు. ఒక్క రోజు షూటింగ్ క్యాన్సిల్ చేసినా డేట్లు అటు ఇటు అవుతాయి.

మామూలుగా ప‌వ‌న్ స‌జావుగా షూటింగుల‌కు రావ‌డ‌మే కష్టం. ‘కాట‌మ‌రాయుడు’కు మాత్ర‌మే కొంచెం రెగ్యుల‌ర్ గా షూటింగ్ కు హాజ‌ర‌వుతున్నాడు. ఈ సినిమాను అనుకున్న స‌మ‌యానికి పూర్తి చేయాల‌న్న ఉద్దేశంతోనే ప‌వ‌న్ ఈ శ‌నివారం అన్న‌య్య సినిమా వేడుకకు కూడా హాజ‌రు కావ‌ట్లేద‌ని అంటున్నారు. బేసిగ్గానే ప‌వ‌న్ ఇలాంటి వేడుక‌ల‌కు దూరంగా ఉండ‌టం కూడా ఇందుకు మ‌రో కార‌ణంగా చెప్పొచ్చు. ఐతే కొన్ని పొలిటిక‌ల్ కార్య‌క్ర‌మాల‌కు వెళ్తున్న‌వాడు ఒక సాయంత్రం వీలు చూసుకుని ఈ వేడుక‌కు రాలేడా అనే వాళ్లూ లేక‌పోలేదు.

Like Us on Facebook : https://www.facebook.com/Tupakidotcom/