ఈ పిల్లాడు ఏంటండీ బాబూ!!

సినిమా ఇండస్ట్రీలో ఎన్ని హిట్స్ అందుకుంటే అంత ఫెమస్ అవుతారని చాలా మంది చెబుతుంటారు. కానీ టాలీవుడ్ హీరో పవన్ కళ్యాణ్ గురించి కొత్తగా ఎవరైనా తెలుసుకుంటే మాత్రం షాక్ అవ్వాల్సిందే. టాలీవుడ్ లో ఎన్నో బాక్స్ ఆఫీస్ హిట్స్ అందుకున్నవారు అలాగే సినిమాల్లో సెంచరీలు చేసినవారు కూడా ఉన్నారు కానీ పట్టుమని 10 బ్లక్ బస్టర్ హిట్స్ కూడా లేని పవన్ కళ్యాణ్ మాత్రం ఎవరు అందుకోని స్టార్ డమ్ ని అందుకున్నారు.

ఈ విషయం కొంత మందికి చేదుగా ఉన్నా నిజమైన విషయమే. పవన్ ఫ్యాన్స్ ఫాలోయింగ్ గురించి ఎంత చెప్పినా తక్కువే. అయితే పవర్ స్టార్ స్థాయి ఇప్పుడు పరదేశి అభిమానులను కూడా చాలా ఆకర్షిస్తున్నాడు. తెలుగు భాషరాని వారు కూడా పవన్ పై స్పెషల్ అభిమానాన్ని చాటుకుంటున్నారు. దాదాపు ఇండియాలో చాలా మందికి పవన్ తెలుసు. ఇక ఒక పోలాండ్ కుర్రాడు కూడా ఇప్పుడు పవన్ పై తన అభిమానాన్ని దాచుకుంటున్నాడు.

అతని పేరు బిగ్నీవ్ చెర్టలూర్ (Zbigniew A. Chertlur). వయసు ఏడు సంవత్సరాలు. అయితే ఈ బుడ్డోడు మొన్నటి వరకు తెలుగు స్టార్ హీరోల పాటలను పాడుతూ కనిపించాడు. మొదట ఈ పిల్లాడిని ఎవరు అంతగా పట్టించుకోలేదు. కానీ ఎప్పుడైతే పవర్ స్టార్ సినిమాలోని కొడకా కోటేశ్వర రావు అనే పాటను పాడాడో అప్పటి నుంచి చాలా ఫెమస్ అయ్యాడు. ఈ కుర్రాడిని ప్రస్తుతం అందరు ముద్దుగా బుజ్జి అని పిలుచుకుంటున్నారు. ఇక కొడకా కోటేశ్వర రావు పాట పడినందుకు పవన్ కళ్యాణ్ స్పెషల్ గా సోషల్ మీడియా ద్వారా స్పందించడంతో ఈ పోలాండ్ ఫ్యాన్స్ చాలా ఖుషి అయ్యాడు.

దీంతో ఈ సారి తన అభిమానాన్ని మరింత చాటుకున్నాడు. కాటమరాయుడా అనే సాంగ్ బీట్ ను యాడ్ చేసి తనదైన శైలిలో ఓ పాటేసుకున్నాడు. దీంతో సోషల్ మీడియాలో మనోడికి ఫాలోవర్స్ కూడా చాలా పెరుగుతున్నారు. ముఖ్యంగా పవన్ అభిమానులు అయితే వీడెవడో మనకంటే కల్ట్ ఫ్యాన్ లా ఉన్నాడే అని కామెంట్స్ చేస్తున్నారు. అయితే ఈ బుడ్డోడు ఎవరని ఆరాతీస్తే.. ఆంధ్రప్రదేశ్ కి చెందిన శరత్ చేర్తులూరు అనే వ్యక్తి కొడుకని తెలిసింది. అతని తల్లి పొలండ్ దేశస్తురాలు ఉర్సులా ఎలిజ్బెతియా. అది సంగతి!