అరె వో సాంబా... ఓ లుక్కేస్కో!

స‌రిగ్గా యేడాద‌వుతోంది... ప‌వ‌న్‌ క‌ళ్యాణ్ తెర‌పై క‌నిపించి! గ‌తేడాది సంక్రాంతికి వెంక‌టేష్‌ తో క‌లిసి `గోపాల గోపాల` చిత్రంతో ప్రేక్ష‌కుల ముందుకొచ్చాడు. ఆ త‌ర్వాత వెంట‌నే మొద‌లైన స‌ర్దార్ గ‌బ్బ‌ర్‌ సింగ్ సంక్రాంతికే వ‌స్తుంద‌ని ప్ర‌చారం సాగింది కానీ... అది కాస్త సమ్మ‌ర్‌ కి పోస్ట్ పోన్ అయ్యింది. అంటే ప‌వ‌న్ సినిమా యేడాదిన్నర త‌ర్వాత వ‌స్తుంద‌న్న‌మాట‌. మ‌రీ యేడాదిన్న‌ర ఎదురు చూడాలంటే అభిమానులు కాస్త ఫీల‌వుతారు క‌దా.

అందుకే ప‌వ‌న్‌ క‌ళ్యాణ్ `స‌ర్దార్ గ‌బ్బ‌ర్‌ సింగ్`కి సంబంధించి ఎప్ప‌టిక‌ప్పుడు తొలి రుచులు చూపిస్తూ వ‌స్తున్నారు. సినిమా సెట్స్‌ పైకి వెళ్లిన రెండు మూడు నెల‌ల్లోపే ఫ‌స్ట్ లుక్‌ ని విడుద‌ల చేశాడు. గుర్రాన్ని తోడ్కొని వ‌స్తూ ప‌వ‌న్‌ క‌ళ్యాణ్ చేసిన సంద‌డి టీజ‌ర్ రూపంలో ఇప్ప‌టికీ నెట్లో హ‌ల్‌ చ‌ల్ చేస్తూనే ఉంది. ఆ త‌ర్వాత స‌ర్దార్ బుల్లెట్ బ‌య‌టికొచ్చింది. మ‌రికొన్నాళ్ల‌కు సాయిధ‌ర‌మ్ తేజ్‌ - రామ్‌ చ‌ర‌ణ్ సెట్లోకి వెళ్ల‌డంతో అక్క‌డ పవ‌న్ స్టిల్స్ బ‌య‌టికొచ్చాయి. ఇలా ఎప్ప‌టిక‌ప్పుడు స‌ర్దార్ సంద‌డి కనిపిస్తూనే ఉంది. తాజాగా చిత్ర నిర్మాత శ‌ర‌త్ మ‌రార్ మ‌రో స్టిల్‌ ని బ‌య‌టికొదిలాడు. త‌న గ్యాంగ్‌ తో స‌ర్దార్ గ‌బ్బ‌ర్‌ సింగ్ ఎలా ఉన్నాడో చూడండి అంటూ ఈ స్టిల్‌ ని త‌న ట్విట్ట‌ర్‌ లో విడుద‌ల చేశాడు. మీరూ ఓ లుక్కేయండి మ‌రీ...!!