పవర్ స్టార్ బర్త్ డే కానుకగా #PSPK27 ప్రీ లుక్ పోస్టర్...!

పవర్ స్టార్ పవన్ కళ్యాణ్ - క్రిష్ జాగర్లమూడి కాంబినేషన్ లో ఓ మూవీ తెరకెక్కుతున్న సంగతి తెలిసిందే. పీరియాడికల్ మూవీగా రూపొందుతున్న ఈ చిత్రాన్ని మెగా సూర్య ప్రొడక్షన్స్ బ్యానర్ లో ఏయమ్ రత్నం నిర్మిస్తున్నారు. ఇప్పటికే హైదరాబాద్ పరిసర ప్రాంతాల్లో ఒక షెడ్యూల్ కూడా పూర్తి చేశారు. నేడు పవన్ కళ్యాణ్ బర్త్ డే సందర్భంగా చిత్ర యూనిట్ ఆయనకు పుట్టినరోజు శుభాకాంక్షలు తెలుపుతూ #PSPK27 పోస్టర్ రిలీజ్ చేసింది. ఈ పోస్టర్ చూస్తుంటే పవన్ కళ్యాణ్ తన కెరీర్లో ఎప్పుడూ చేయనటువంటి కొత్త గెటప్ లో కనిపించబోతున్నాడని అర్థం అవుతోంది. పవన్ పేస్ ని రివీల్ చేయకుండా ధీరత్వంతో నడుము మీద చేయి వేసుకుని నిలబడినట్లు చూపించారు. దీని ద్వారా ఇదొక పీరియాడికల్ మూవీ అని.. పవన్ కళ్యాణ్ ఓ హిస్టారికల్ పాత్ర పోషించబోతున్నాడని స్పష్టం అయింది. ఈ పోస్టర్ పవన్ అభిమానులను విశేషంగా ఆకట్టుకుంటోంది.

కాగా, డైరెక్టర్ క్రిష్ ఈ పవన్ కళ్యాణ్ కి బర్త్ డే విషెష్ తెలుపుతూ.. ''పదిహేన్రోజుల షూటింగ్ ప్రతిక్షణం టీం అందరికీ గొప్ప జ్ఞాపకంలా కదులుతుంది.. చిరస్థాయిగా నిలిచే విజయం కంటికి కనిపిస్తుంది.. ఇందుకు కారణం మీరు, మీ ప్రోత్సాహం, మీ సహృదయం.. ఎప్పటికీ ఇలాగే కోట్లాది జనం శుభాకాంక్షలు అందుకుంటుండాలని ఆశిస్తున్నాం'' అంటూ ట్వీట్ చేశాడు. ఇక #PSPK27 చిత్రానికి క్రిష్ గత చిత్రాలకు వర్క్ చేసే టెక్నికల్ టీమ్ నే కొనసాగిస్తున్నట్లు తెలుస్తోంది. మొదటిసారి పవన్ కళ్యాణ్ చిత్రానికి కీరవాణి సంగీతం అందిస్తున్నారు. సాయి మాధవ్ బుర్రా డైలాగ్స్ అందిస్తుండగా రామ్ - లక్ష్మణ్ లో యాక్షన్ సీక్వెన్సెస్ డిజైన్ చేసాయనున్నారు. జ్ఞాన శేఖర్ సినిమాటోగ్రఫీ అందిస్తున్నారు.