భీమ్లా నాయక్ ... ప‌వ‌న్ రేంజును పెంచే మూవీ!

పవర్ స్టార్ పవన్ కళ్యాణ్ ఇమేజ్ కి త‌గ్గ క‌థ కంటెంట్ కుదిరితే ఏ రేంజు ఉంటుందో ఇంత‌కుముందు రీమేక్ మూవీ గ‌బ్బ‌ర్ సింగ్ నిరూపించింది. చాలా ప‌రాజ‌యాల తర్వాత ప‌వ‌న్ కి అద్భుత‌మైన బ్లాక్ బ‌స్ట‌ర్ కుదిరింది. ఇప్పుడు మ‌ళ్లీ చాలా గ్యాప్ త‌ర్వాత ప‌వ‌న్ రీఎంట్రీ ఇస్తూ పింక్ రీమేక్ లో న‌టించారు. వ‌కీల్ సాబ్ క్రిటిక్స్ ప్ర‌శంస‌ల‌తో బాక్సాఫీస్ వ‌ద్ద చ‌క్క‌ని వ‌సూళ్లు సాధించింది. క‌రోనా సెకండ్ వేవ్ వ‌ల్ల పంపిణీదారులు న‌ష్ట‌పోవాల్సి వ‌చ్చింది కానీ ఇది హిట్టు టాక్ తెచ్చుకున్న సినిమా.

ఇప్పుడు ప‌వ‌న్ న‌టిస్తున్న సినిమాల్లో భీమ్లా నాయ‌క్ పైనా అభిమానుల్లో అత్యంత ఆస‌క్తి నెల‌కొంది. ఇది ప‌వ‌న్ ఇమేజ్ ని పెంచే సినిమా అన‌డంలో ఎలాంటి సందేహం లేద‌ని టాక్ వినిపిస్తోంది. అందుకు సాక్ష్యంగా ఇటీవ‌ల రిలీజైన మోష‌న్ టీజ‌ర్ స‌హా పాట యువ‌త‌రంలో పదే ప‌దే చ‌ర్చకు రావ‌డం క‌నిపిస్తోంది.

కేవలం మూడు నాలుగు వారాల కంటే తక్కువ వ్యవధిలోనే ఈ మూవీ గొప్ప ప్ర‌మోష‌న్ ని ద‌క్కించుకుంది. భీమ్లా నాయక్ టైటిల్ సాంగ్ పాడిన గాయ‌కునికి ప‌వ‌న్ 2ల‌క్ష‌ల ఆర్థిక సాయం చేయ‌డం కూడా ఈ ప్ర‌చారానికి మ‌రింత‌గా క‌లిసొస్తోంది. ఈ పాట పవన్ కళ్యాణ్ మాస్ ఇమేజ్‌ను పూర్తి స్థాయికి పెంచుతోంది. ఈ పాట యూట్యూబ్ లో ట్రెండింగ్ లో ఉంది ప్రతిచోటా మ్యూజిక్ చార్ట్ లలో అగ్రస్థానంలో ఉంది. పవన్ కళ్యాణ్ నుండి అభిమానులు చాలా కాలంగా కోరుకుంటున్న కంటెంట్ ఇది అన‌డంలో ఎలాంటి సందేహం లేదు.

ప‌వ‌న్ లో మాస్ ఎలిమెంట్స్ ని మ‌రో లెవ‌ల్లో చూపించే చిత్ర‌మిద‌న‌డంలో సందేహ‌మేం లేదు. భీమ్లా నాయక్ 12 జనవరి 2022 సంక్రాంతి స్పెషల్ గా విడుదల చేస్తున్నట్లు ప్రకటించారు.