నీతో ప్రయాణం అద్భుతం..పవన్ కళ్యాణ్ సంచలన ట్వీట్

పవర్ స్టార్ పవన్ కల్యాణ్ తో తమ్ముడు - బద్రి - జానీ వంటి సినిమాలకు సూపర్ హిట్ సంగీతం అందించిన స్టార్ మ్యూజిక్ డైరెక్టర్ రమణ గోగుల చాలా యేళ్ళ తర్వాత సోషల్ మీడియాలో ప్రత్యక్షమయ్యారు. కొన్నేళ్ల కిందటే టాలీవుడ్ నుంచి తప్పుకున్న రమణ గోగుల తాజాగా పవన్ కల్యాణ్ ను ఉద్దేశించి ట్వీట్ చేశారు. “డియర్ పవన్ కల్యాణ్ - జానీ సినిమా కోసం మనం మ్యూజిక్ సిట్టింగ్స్ నిర్వహించి 17 ఏళ్లయిందంటే నమ్మలేకపోతున్నాను. ఏదో నిన్నో, మొన్నో కలిసినట్టు అన్పిస్తుంది. జానీ తర్వాత మన ప్రస్థానం ఘనంగా సాగిందనే అనుకుంటున్నాను. జానీ రిలీజ్ డే సందర్భంగా శుభాభినందనలు. ఆరోగ్యాంగా ఉండు” అంటూ రమణ గోగుల భావోద్వేగభరితంగా స్పందించారు.

రమణ గోగుల ఒక దశలో అగ్రశ్రేణి సంగీత దర్శకుడిగా వెలుగు వెలిగారు. దాదాపు స్టార్ హీరోలు అందరికి ఆయనసంగీతం అందించారు. ఆయన తెలుగులో చివరిగా సంగీతం అందించిన చిత్రం వెంకటాద్రి ఎక్స్ ప్రెస్. ఆ సినిమా తర్వాత రమణ గోగుల ఇండస్ట్రీకి గుడ్ బై చెప్పారు. ఖరగ్ పూర్ ఐఐటీ నుంచి ఎంటెక్, లూసియానా స్టేట్ యూనివర్శిటీ నుంచి ఎంఎస్ కంప్యూటర్ సైన్స్ చేసిన రమణ గోగుల ప్రస్తుతం బిజినెస్ కార్యకలాపాలు చూసుకుంటున్నారట. అయితే రమణ గోగుల ట్వీట్ కి స్పందించిన పవన్ కళ్యాణ్ తిరిగి జవాబుగా.. "థాంక్యూ రమణ.. నీతో ప్రయాణం అద్భుతంగా గడిచింది. ఆల్ ది బెస్ట్.." అంటూ ట్వీట్ చేశారు. ప్రస్తుతం వీరిద్దరి ట్వీట్స్ సోషల్ మీడియాలో హల్చల్ అవుతున్నాయి.