రాజుగారికి బడ్జెట్ సేవ్ చేసిన పవన్ సారు!

'వకీల్ సాబ్' సినిమా తో పవర్ స్టార్ పవన్ కళ్యాణ్ రీ ఎంట్రీ ఇస్తున్న సంగతి తెలిసిందే. వేణు శ్రీరామ్ దర్శకత్వం లో తెరకెక్కుతున్న ఈ సినిమాను దిల్ రాజు నిర్మిస్తున్నారు. 'వకీల్ సాబ్' బాలీవుడ్ హిట్ 'పింక్' సినిమాకు రీమేక్ అయినప్పటికీ మన నేటివిటీ.. పవన్ ఇమేజికి తగ్గట్టు మార్పుచేర్పులు చేస్తున్నారు. అందులో భాగంగా పవన్ పాత్రకు హీరోయిన్ ను కూడా సెట్ చేశారు.

పవన్ సరసన ఇప్పటికే అందాల రాక్షసి లావణ్య త్రిపాఠిని హీరోయిన్ గా ఎంపిక చేసిన సంగతి తెలిసిందే. పాత్ర చిన్నదే అయినప్పటికీ పెద్దగా ఫామ్ లో లేని.. దాదాపుగా ఫేడ్ అవుట్ అయిన హీరోయిన్ ను ఎంపిక చేయడం చాలామందిని ఆశ్చర్యపరిచింది. పోయినేడాది రిలీజ్ అయిన 'అర్జున్ సురవరం' ఒక్కటే ఈమధ్య కాలంలో లావణ్య కెరీర్ లో హిట్టు. అంతకు ముందు అన్నీ ఫ్లాపులే. దీంతో ఈ సినిమా ఆఫర్ లావణ్యకు జాక్ పాట్ లాంటిది.

ఈ సినిమాలో తనకు జోడీగా నటించే హీరోయిన్ కోసం పవన్ చాలామంది పేర్లను పరిశీలించి ఫైనల్ గా లావణ్యకు ఓటేసినట్టు సమాచారం. ఒకవేళ పవన్ ఎవరైనా టాప్ హీరోయిన్ ను ఫైనలైజ్ చేస్తే పారితోషికం భారీగా ముట్టజెప్పాల్సి వచ్చేది. అయితే పవన్ వారిని కాకుండా లావణ్యకు గ్రీన్ సిగ్నల్ ఇవ్వడం రాజుగారికి డబ్బు సేవ్ చేసింది. ప్రస్తుతం లావణ్య చేతి లో చెప్పుకోదగ్గ ఆఫర్లు లేవు కాబట్టి ఈ సినిమాకు తక్కువ తీసుకునేందుకు లావణ్య రెడీ అయి ఉంటుంది. ఏదైతేనేం.. రాజుగారికి కొంత డబ్బు ఖర్చు తగ్గింది!