పవన్ మళ్లీ పోతురాజు అంటున్నాడుగా

సర్దార్ గబ్బర్ సింగ్ ని పవర్ స్టార్ పవన్ కళ్యాణ్ తన ఫ్యాన్స్ కి అంకితం చేయనున్నాడనే వార్తలు హల్ చల్ చేస్తున్నాయి. ఇప్పుడు సర్దార్ ని ప్రిపేర్ చేస్తున్న తీరు చూస్తే ఇది నిజమే అనిపించక మానదు. ఫ్యాన్స్ ని ఎంటర్టెయిన్ చేయడానికి ఉన్న ఏ చిన్న అవకాశాన్ని కూడా పవన్ వదలడం లేదని తెలుస్తోంది. అప్పుడప్పుడూ పాటలు పాడ్డం కూడా పవన్ ట్యాలెంటుల్లో ఒకటి. ఇంతకు ముందు కూడా కొన్ని సినిమాల్లో ఫోక్ బీట్స్ ని పాడి ఎంటర్టెయిన్ చేశాడు.

రీసెంట్ గా అయితే.. అత్తారింటికి దారేది మూవీలో 'కాటం రాయుడా' అంటూ సాగే పాటను తను కూడా ఎంజాయ్ చేశాడు పవర్ స్టార్. ఇప్పుడు సర్దార్ గబ్బర్ సింగ్ లో కూడా 'పోతురాజు.. పోతురాజు..' అంటూ సాగే ఓ ఫోక్ సాంగ్ ను పాడాడట పవన్. ఇప్పటి వరకూ ఈ విషయాన్ని లీక్ చేయకుండా ఉండడానికి కారణం.. ఆడియో రిలీజ్ ఫంక్షన్ రోజున అభిమానులను సర్ ప్రైజ్ చేసేందుకే అని తెలుస్తోంది. నిజానికి గబ్బర్ సింగ్ మూవీలోనే పవన్ తో పాడించాలని మ్యూజిక్ డైరెక్టర్ దేవిశ్రీ ప్రసాద్ అనుకున్నాడు. అప్పుడు కుదరకపోయినా. ఇప్పుడు సర్దార్ గబ్బర్ సింగ్ లో మాత్రం పవన్ తో పాడించాడని తెలుస్తోంది. డీఎస్పీతో కలిసి మ్యూజిక్ సిట్టింగ్స్ సమయంలో.. పవన్ కళ్యాణ్ తనే ఈ పాట గురించిన ఐడియా ఇచ్చాడట.

ఒక నిమిషం పాటు సాగే ఈ సాంగ్.. ఫ్యాన్స్ ను అలరించడం ఖాయమని తెలుస్తోంది. మరి పవన్ ఏ రేంజ్ ఎనర్జీని ప్రదర్శించాడో తెలియాలంటే.. ఈ నెల 20 వరకూ ఆగాల్సిందే. నిజానికి పోతురాజుకు పవన్ కి మంచి అనుబంధమే గతంలో. గతంలో అన్నవరం సినిమాలో.. పవన్ తన కేరక్టర్ కి పోతురాజు అనే పేరునే పెట్టుకున్న విషయం ఫ్యాన్స్ కి బాగానే గుర్తుంది.