పవన్ అలాంటి 'టీ' తాగుతాడా?

పవన్ కళ్యాణ్ తెల్లవారు జాము నుంచి పెడుతున్న ట్వీట్లు.. సోషల్ మీడియాలో దుమారం రేపుతున్నాయి. టాప్ మోస్ట్ ఛానల్స్ అధిపతుల పైనా.. సీఎం కుమారుడి పైనా ఆరోపణలు చేస్తూ పవన్ పెట్టిన ట్వీట్స్ దుమారం రేపుతున్నాయి. ఆ తర్వాత పవన్ ఫిలిం ఛాంబర్ కు చేరుకున్నాడు.

ఆ సమయంలో పవన్ తో పాటు సోదరుడు నాగేంద్ర బాబు కూడా ఉన్నాడు. ఇద్దరూ కలిసి ఫిలిం ఛాంబర్ పెద్దలతోను.. మా అసోసియేషన్ ప్రతినిధులతోను చర్చలు జరిపారనే సంగతి ఇప్పటికే తెలిసిపోయింది. వర్మ ఎపిసోడ్ పై చట్టపరమైన చర్యల కోసం పవన్ రంగం సిద్ధం చేసుకుంటున్నాడనే విషయం తెలుస్తోంది. అయితే.. ఇలా ఫిలిం నగర్ కు చేరుకున్న తర్వాత.. అక్కడ పవన్ ప్రవర్తన అందరినీ షాక్ కు ఇచ్చింది. సింపుల్ గా వచ్చేసిన పవన్ కళ్యాణ్.. వచ్చీ రాగానే 'ఓ 'టీ' తెప్పిస్తారా' అని అడిగాడట. మరి పవర్ స్టార్ వచ్చి ఓ అడగితే.. తెప్పించకుండా ఉంటారా? కానీ వెంటనే ఆ ఎదురుగుండా ఉన్న టీ తెప్పిస్తే చాలని అనడంతో.. ఆశ్చర్యపోయి అదే పని చేశారు అక్కడి వ్యక్తులు.

రోడ్డు మీద అమ్మే 7 రూపాయల టీ.. అది కూడా జనాల చేతుల్లో కామన్ గా కనిపించే గాజు గ్లాసు పవన్ చేతుల్లో ఉండడం అందరినీ ఆశ్చర్యపరిచింది. ఇండస్ట్రీ జనాలు మాత్రమే కాదు.. అక్కడ ఉన్న మీడియా జనాలకు కూడా పవన్ మరీ ఇంత సింపుల్ గా బిహేవ్ చేయడం చాలా చాలా షాక్ తినిపించేసింది.

మరిన్ని ఫోటోస్ కోసం క్లిక్ చేయండి