ప‌వ‌ర్ స్టార్ వార‌సుడు బ‌రిలోకి..?

ప‌వ‌ర్ స్టార్ ప‌వ‌న్ క‌ల్యాణ్ వార‌సుడు అకీరా నంద‌న్ ప్ర‌త్యేక‌ ప‌రిచ‌యం అవ‌సరం లేదు. ఆంధ్ర ప్ర‌దేశ్ ఎన్నిక‌ల్లో జ‌న‌సేన పార్టీకి సామాజిక మాధ్య‌మాల్లో ప్ర‌చారం చేసి ప‌వ‌న్ అభిమానుల‌కు బాగా క‌నెక్ట‌య్యాడు. ఇప్ప‌టికే అకీరా నూనూగు మీసాల యువ‌కుడిగా ఎదిగేశాడు. ప‌వ‌న్ వార‌సుడిగా టాలీవుడ్ లో అడుగు పెట్ట‌డం ఖాయ‌మ‌నే ఫ్యాన్స్ భావిస్తున్నారు. అయితే త‌న‌ మైండ్ లో ఏం ఉంది? అన్న‌ది అత‌డు కానీ.. మామ్ రేణు దేశాయ్ కానీ చెప్పాల్సి ఉంటుంది.

అకీరా న‌టించిన ఓ మ‌రాఠా సినిమాని తెలుగులో రిలీజ్ చేయాల‌ని భావించినా కుద‌ర‌లేదు. ఇకపైనా హీరోగా న‌టించే ప్ర‌య‌త్నాలు చేస్తున్నాడా? టీనేజ్‌ ప్రేమ‌క‌థ‌ల‌కు యాప్ట్ అయ్యే వ‌య‌సొచ్చింది క‌దా! అంటూ అభిమానులు మ‌ట్లాడుకుంటున్నారు. అకీరా న‌ట‌శిక్ష‌ణ తీసుకుంటున్నాడా లేదా? అన్న వివ‌రాలు వెల్ల‌డి కావాల్సి ఉంది. వ్య‌క్తిగ‌త క్ర‌మ‌శిక్ష‌ణ.. వృత్తిగ‌త శిక్ష‌ణ‌ ఎలా ఉంటుంది అన్నది కూడా అత‌డి సినీ కెరీర్ ని డిసైడ్ చేస్తుంద‌నే భావించ‌వ‌చ్చు.

తాజాగా అకీరా లేటెస్ట్ ఫోటో ఒక‌టి రేణు దేశాయ్ ఇన్ స్టాగ్ర‌మ్ లో షేర్ చేశారు. ఈ ఫోటోలో అంద‌రు టీనేజ‌ర్ల‌లానే స్మార్ట్ ఫోన్ లోకి స్మార్ట్ గా చూస్తూ బిజీగా ఉన్నాడు. ప‌క్క‌నే Schweppes టానిక్ వాట‌ర్ బాటిల్స్ క‌నిపిస్తున్నాయి. రేణు దేశాయ్ ప్ర‌స్తుతం తెలుగు బుల్లితెర‌పై ప‌లు కార్య‌క్ర‌మాల‌తో బిజీగా ఉన్న సంగ‌తి తెలిసిందే. త‌ను జ‌డ్జిగా కొన‌సాగే కార్య‌క్ర‌మాల్లో అయినా అకీరా వెండితెర ఆరంగేట్రం గురించి రేణు స్వ‌యంగా వివ‌రాలు వెల్ల‌డిస్తారేమో చూడాలి.