పీకే25 కి వచ్చేశానంటున్న అను

పవన్ కళ్యాణ్ తో ఓ మూవీలో హీరోయిన్ గా నటించడం.. ఈ తరం యంగ్ భామలు అందరికీ ఇదో డ్రీమ్ అంతే. రీసెంట్ గా శృతి హాసన్ కి రెండో ఆఫర్ ఇచ్చాడు కానీ.. పవర్ స్టార్ సహజంగా ఒకసారి ఒక హీరోయిన్ తో సినిమా చేశాక.. మరోసారి జట్టు కట్టే సమస్యే లేదు. అంటే హీరోయిన్లకు పవన్ తో చేసే ఛాన్స్ లైఫ్ టైంలో ఒకసారే వస్తుందన్న మాట.

పైగా పవన్ సినిమాలో నటిస్తోందని తెలిసినప్పటి నుంచి బోలెడంత గుర్తింపు.. క్రేజ్.. వీటికితోడు అవకాశాలు వరుసగా వచ్చేస్తుంటాయి. త్రివిక్రమ్ శ్రీనివాస్ దర్శకత్వంలో రూపొందనున్న పవన్ కళ్యాణ్ మూవీలో లీడ్ హీరోయిన్ కీర్తి సురేష్ అయితే.. సెకండ్ హీరోయిన్ గా మజ్ను భామ అను ఇమాన్యుయేల్ నటిస్తోంది. నిన్నే ఈ మూవీ షూటింగ్ ప్రారంభం కాగా.. పవర్ స్టార్ వచ్చి షూటింగ్ లో జాయిన్ అయిపోయాడు. అదే సెట్స్ లో అను ఇమాన్యుయేల్ కూడా సందడి చేసేసింది. స్పాట్ నుంచి ఓ సెల్ఫీ కూడా క్లిక్ మనిపించేసింది.

'PK25 కోసం తొలిరోజు షూటింగ్. ఎన్నో ఎగ్జైటింగ్ థింగ్స్ జరబోతున్నాయ్' అంటూ తన ఫీలింగ్ ను ఓపెన్ గానే చెప్పింది అను. మరికొన్ని రోజుల్లోనే లీడ్ హీరోయిన్ కీర్తి సురేష్ కూడా పీకే25 షూటింగ్ లో జాయిన్ కానుందని తెలుస్తోంది.

Like Us on Facebook : https://www.facebook.com/Tupakidotcom/