శృతికి.. కాజల్ కి.. ఇప్పుడు నయన్ కి..

అదేంటో తెలియదు కాని.. నాలుగు సినిమాలు వరుసగా హిట్టయితే ఆ హీరోయిన్ను గోల్డెన్ లెగ్ అనేయడం.. ఒకవేళ ఫ్లాపైతే వెంటనే ఐరన్ లెగ్ అనేయడం షరా మామూలు అయిపోయింది. బహుశా డబ్బులు పెట్టే ప్రొడ్యూసర్లు అలాంటి సెంటిమెంట్లను చెబుతుంటే ఎవరు మాత్రం ఏం చేస్తారులో. కాకపోతే అలాంటి లెగ్గులు అన్న హీరోయిన్లకు బ్రేకిచ్చిన ఘనత మన పవన్‌ కళ్యాణ్‌ కు ఉంది తెలుసా?

అప్పట్లో శృతి హాసన్ పేరు చెబితేనే తెలుగు ఇండస్ర్టీ భయపడింది. అందుకే ఆమెను పెద్ద హీరోలు తమ సినిమాల్లోకి తీసుకోలేదు. కాని గబ్బర్ సింగ్ మూవీతో ఆమె ఫేట్ మారిపోయింది. శృతి ఇక్కడ నెం.1 స్టార్ అయిపోయింది. ఆ తరువాత కాజల్ అగర్వాల్ రెమ్యూనరేషన్ కోసం పేచీ పెట్టడంతో టాలీవుడ్ ఆమెను దూరంగానే పెట్టింది. కాని సర్దార్ సినిమాను ఒప్పుకున్న వేళా విశేషం.. వరుసగా తెలుగులో బ్రహ్మోత్సవం - జనతా గ్యారేజ్ - ఖైదీ నెం 150 - తేజ-రానా సినిమా.. ఇలా ఆఫర్ల మీద ఆఫర్లు వచ్చేశాయి. అలా ఫేట్ కాస్త ఫేడవుతున్న భామలకు వైడ్ యాంగిల్లో ఒక హిట్టిచ్చి ఆదుకుంటున్నాడని పవన్ కళ్యాణ్‌ చుట్టూ సెంటిమెంట్లు చక్కెర్లు కొడుతున్నాయి.

ఇప్పుడు చెప్పొచ్చే మ్యాటర్ ఏంటంటే.. పవన్ కళ్యాణ్‌ హీరోగా తమిళ సినిమా కొత్తగా తెలుగులో రీమేక్ చేస్తున్నారనే టాక్ ఉంది. అయితే అది నీసన్ తీసే సినిమానా లేకపోతే మరో సినిమానా క్లారిటీ లేదుకాని.. ఈ ప్రాజెక్టులో హీరోయిన్ గా నయనతారను తీసుకుంటున్నట్లు తెలుస్తోంది. ఆల్రెడీ ఆమె కూడా సంతకం చేసేసిందట. అందుకే ఇప్పుడు నయన్ ఫ్యాన్స్ కూడా వరుసగా తెలుగులో ఫ్లాపులే కొడుతున్న తమ హార్ట్ త్రోబ్ తాలూకు ఫేట్ పవర్ స్టార్ మార్చేస్తాడని ఆనందపడుతున్నారు.

Like Us on Facebook : https://www.facebook.com/Tupakidotcom/