పంచెకట్టుతో పవన్

టాలీవుడ్ అగ్ర హీరో, జనసేన అధినేత పవన్ కల్యాణ్ తాజాగా రైతు వేషధారణలో కొత్త లుక్‌ లో క‌నిపించారు. ఉదయం హైదరాబాదులోని తన ఇంటి నుంచి పంచెకట్టులోనే బయలుదేరిన పవన్ కల్యాణ్ గన్నవరం విమానాశ్రయంలో తనకోసం వేచి చూస్తున్న అభిమానులను హుషారెత్తించారు. పంచెకట్టులో పవన్ కల్యాణ్ వస్తారని ఊహించని ఆయన అభిమానులు తమ‌ అభిమాన నటుడిని రైతు వేషంలో చూసి కేరింతలు కొట్టారు.

ఏపీ సీఎం నారా చంద్రబాబునాయుడితో భేటీ కోసం వెళ్లిన పవన్ కల్యాణ్ పంచెకట్టులో దర్శనమిచ్చి ఆసక్తికర చర్చకు తెర తీశారు. రైతుల పక్షాన సీఎంతో చర్చలకు వచ్చినందుననే పవన్ కల్యాణ్ పంచెకట్టులో వచ్చారని ఆయన అభిమానులు పేర్కొన్నారు. ఇదిలాఉండ‌గా గ‌న్న‌వ‌రం ఎయిర్‌పోర్ట్ నుంచి నేరుగా చంద్ర‌బాబు ఉన్న క్యాంప్ ఆఫీసుకు వెళ్లారు. మ‌ధ్యాహ్నం రెండు గంట‌ల‌కు ప‌వ‌న్ ప్రెస్ మీట్ ఉండే అవ‌కాశం ఉంది.