ప్రవాసులకు అజ్ఞాతవాసి కృతజ్ఞతలు

పవర్ స్టార్ పవన కళ్యాణ్ అభిమానుల గురించి ఎంత చెప్పినా కూడా తక్కువే. ఒక్క భారత దేశంలోనే కాకుండా ఇతర దేశాల్లో ఉన్న తెలుగు వాళ్లు కూడా పవన్ సినిమా రిలీజ్ అవుతోంది అంటే చాలు ఎంతో ఆనందపడతారు. దేశం ఏదైనా సరే పవర్ స్టార్ ఫ్యాన్స్ హంగామా ఈ మధ్య కాలంలో మాములుగా ఉండడం లేదు. ఇక అజ్ఞాతవాసి సినిమా విడుదలవుతోంది అని తెలిసి విదేశాల్లో ఉన్న పవన్ ఫ్యాన్స్ లోకల్ ఫ్యాన్స్ తరహాలో ఎంజాయ్ చేస్తున్నారు.

అయితే అమెరికాలో అజ్ఞాతవాసి సినిమా భారీ స్థాయిలో రిలీజ్ కాబోతోంది. ఇంతవరకు ఇండియాలోని ఏ సినిమా రిలీజ్ కానీ స్థాయిలో అజ్ఞాతవాసి రిలీజ్ కాబోతోంది. మొత్తంగా 570 లొకేషన్స్ లలో అజ్ఞాతవాసి సందడి చేయనుంది. లా తెలుగు సంస్థ ఈ సినిమాను రిలీజ్ చేయడానికి అన్ని ఏర్పాట్లను పూర్తి చేసుకుంది. అయితే ఆ సినిమా అంత భారీ స్థాయిలో ఆదరణ దక్కుతోందని ప్రవాసులకు పవన్ వీడియో ద్వారా కృతజ్ఞతలను తెలిపాడు.

అయితే ముందుగా పవన్ వారిని వ్యక్తిగతంగా అభినందిస్తూ మాట్లాడారు. దేశం కానీ దేశంలో చుదువుకోవడం అలాగే ఉద్యోగం చేయడం ఎంతో కష్టం. అలాంటిది అక్కడ స్థానికతని సంపాదించుకొని గౌరవంగా జీవిస్తున్న మీరంటే నాకు చాలా గౌరవమని చెబుతూ సినిమా గురించి మాట్లాడారు. అమెరికాలో ఇంతకుముందు బద్రి సినిమా కూడా రిలీజ్ అయ్యిందని కాకపోతే కొన్ని సెంటర్లలో మాత్రమే రిలీజ్ అయ్యి మంచి విజయం సాధించిందని చెప్పారు. ఇక అజ్ఞాతవాసి కూడా భారీ స్థాయిలో రిలీజ్ అవుతుందని తనపై చూపిస్తున్న అభిమానానికి చాలా కృతజ్ఞతలని పవన్ వివరించాడు.