స్టార్ డైరెక్ట‌ర్ పై పాయ‌ల్ ఆరోప‌ణ‌లు ప‌బ్లిసిటీ స్టంట్!

స్టార్ డైరెక్ట‌ర్ అనురాగ్ క‌శ్య‌ప్ త‌న‌ని వేధించారంటూ అందాల క‌థానాయిక‌ పాయ‌ల్ ఘోష్ సంచ‌ల‌న ఆరోప‌ణ‌లు చేసిన సంగ‌తి తెలిసిందే. అనురాగ్ కాంపౌండ్ క‌థానాయిక‌లు తాప్సీ-రిచా చ‌ద్దా వంటి వారిపై ప‌రోక్ష వ్యాఖ్య‌లు చేయ‌డం వేడెక్కించింది. 2020 ఆద్యంతం పాయ‌ల్ మీడియా హెడ్ లైన్స్ లో నిలిచారు. న‌టి రిచా చ‌ద్దా త‌న‌పై త‌ప్పుడు ఆరోప‌ణ‌లు చేశారంటూ కోర్టులో పోరాడి పాయ‌ల్ పై పంతం నెగ్గిన సంగ‌తి తెలిసిందే.

ఇటీవ‌లి కాలంలో పాయ‌ల్ ప‌బ్లిసిటీ స్టంట్ మ‌రీ టూమ‌చ్ అంటూ క‌థ‌నాలొస్తున్నాయి. ఇంత‌కుముందు అనురాగ్ పై సంచ‌ల‌న ఆరోప‌ణ‌ల అనంత‌రం ప‌బ్లిక్ లో త‌న ఇమేజ్ ని పెంచుకునేందుకు పాయ‌ల్ ప్ర‌య‌త్నం చేసింది. ఇటీవ‌ల సోష‌ల్ మీడియాల్లో నిరంత‌రం అభిమానుల‌కు ట‌చ్ లో ఉంది. వ‌రుస‌గా వేడెక్కించే ఫోటోషూట్ల‌ను షేర్ చేస్తోంది. తాజాగా రెడ్ లింగ‌రీ ధ‌రించిన బోల్డ్ ఫోటోని పాయ‌ల్ ఇన్ స్టాలో షేర్ చేసి `ఇది నేనేనా.. ఎస్ నేనే!` అంటూ కొంటె వ్యాఖ్య‌ను జోడించింది. ఇంత‌కుముందు చాక్లెట్ వైన్ సిప్ చేస్తున్నా అంటూ వేరొక హాట్ ఫోటోని షేర్ చేయ‌గా అది కూడా వైర‌ల్ అయ్యింది.

ఇక పాయ‌ల్ వ్య‌వ‌హారం న‌చ్చ‌ని ఓ నెటిజ‌న్ .. అనురాగ్ క‌శ్య‌ప్ తో అదంతా ప‌బ్లిసిటీ స్టంట్! అంటూ వ్యాఖ్యానించాడు. పాయల్ ఘోష్ ఇటీవ‌ల `రెడ్` మూవీ కోసం బీచ్ సాంగ్ చిత్రీక‌ర‌ణ‌లో పాల్గొంది. కృష్ణా అభిషేక్ తో కలిసి పాట చిత్రీక‌ర‌ణ‌లో పాల్గొంది. క‌ఠిన‌మైన ఎండ‌లో శ్ర‌మించి సమయానికి షూట్ పూర్తి చేసామని పాయ‌ల్ తెలిపారు. ఇది ప్రతి ఒక్కరూ ఇష్టపడే పాట .. అశోక్ త్యాగి ఈ చిత్రానికి దర్శకత్వం వహించార‌ని తెలిపారు.