ఆ క్రేజీ సీక్వెల్ లో హీరోయిన్ గా ఆరెక్స్ బ్యూటీ

ఫస్ట్ సినిమాతోనే సూపర్ హిట్ సాధించడం చాలా తక్కువమంది హీరోయిన్ల విషయంలో జరుగుతుంది. అలాంటి లక్కీ ఫీట్ పాయల్ రాజ్ పుత్ విషయంలో జరిగింది. 'RX100' తో కార్తికేయకు జోడీగా నటించి టాలీవుడ్ ఎంట్రీ ఇచ్చిన ఈ భామ తన బోల్డ్ యాక్టింగ్ తో.. గ్లామర్ తో ఆడియన్స్ ను మెప్పించింది. ముఖ్యంగా లిప్ లాకుల విషయంలో హద్దుల్లేకుండా చెలరేగిపోయింది.

యూత్ లో క్రేజీ హీరోయిన్ గా మారడంతో ఈ సినిమా తర్వాత పాయల్ కు ఆఫర్లు వెల్లువలా వస్తాయని అనుకున్నారు గానీ ఆ రేంజిలో ఏమీ ఆఫర్లు రాలేదు. ప్రస్తుతం ఈ బ్యూటీ చేతిలో 'డిస్కో రాజా' సినిమా ఒక్కటే ఉంది. మాస్ మహారాజా హీరోగా నటిస్తున్న ఈ చిత్రానికి వీఐ ఆనంద్ దర్శకుడు. ఈ సినిమా తర్వాత మరో క్రేజీ ప్రాజెక్టులో అవకాశం లభించేలా ఉందని సమాచారం. యాక్టర్ టర్న్డ్ డైరెక్టర్ రాహుల్ రవీంద్రన్ ప్రస్తుతం అక్కినేని నాగార్జున కెరీర్లో క్లాసిక్ గా నిలిచిన 'మన్మథుడు' సినిమాకు సీక్వెల్ చేసే సన్నాహాల్లో ఉన్నాడు. ఇప్పటికే స్క్రిప్ట్ లాక్ అయిందని.. క్యాస్ట్ అండ్ క్రూ ఎంపికలో రాహుల్ బిజీగా ఉన్నాడని సమాచారం. ఈమధ్యే ఈ సినిమాలో హీరోయిన్ పాత్ర కోసం పాయల్ ఆడిషన్ కు హాజరయిందట. అంతా సవ్యంగా జరిగితే ఈ సినిమాలో నాగార్జున సరసన పాయల్ హీరోయిన్ గా నటిస్తుంది.

'మన్మథుడు' సీక్వెల్ అంటే డౌట్ లేకుండా క్రేజీ ప్రాజెక్ట్ అని మనం ఫిక్స్ అయిపోవచ్చు. ఇలాంటి సినిమాలో హీరోయిన్ పాత్ర దొరికితే పాయల్ కు జాక్ పాట్ తగిలినట్టే. త్వరలోనే ఈ ప్రాజెక్టుకు సంబంధించిన వివరాలు వెల్లడవుతాయట.