పాయ‌ల్ బీచ్ లో ఆ హొయ‌లేంటో కానీ

అందానికి అందం బోల్డ్ నెస్ తో కుర్ర‌కారు గుండెల్లో గిలిగింత‌లు పెట్ట‌డం ఎలానో పాయ‌ల్ కి తెలిసిన‌ట్టుగా ఇంకెవ‌రికీ తెలీదేమో! ఈ బ్యూటీ ఇటీవ‌లి కాలంలో వ‌రుస బోల్డ్ ఫోటోషూట్ల‌తో దుమారం రేపుతోంది. ఒక్కోసారి హ‌ద్దు మీరిన ఫోటోలు వీడియోలు షేర్ చేసి ఆ త‌ర్వాత వాటిని తొల‌గించేస్తోంది. అయితే ఈలోగానే సోష‌ల్ మీడియాల్లో అవి పెద్ద చ‌ర్చ‌కు తెర తీస్తున్నాయి. ఇంత‌కుముందు బోలెడంత ట్రోల్స్ ని ఎదుర్కొంది పాయ‌ల్.

తాజాగా పాయ‌ల్ బీచ్ విహార‌యాత్ర‌కు సంబంధించిన ఫోటోషూట్ ని రివీల్ చేసింది. ఇందులో పాయ‌ల్ ఎంతో ముగ్ధ మ‌నోహ‌రంగా త‌న‌ని తాను ఆవిష్క‌రించుకుంది. వైట్ అండ్ వైట్ బికినీలో అలా బీచ్ ఇసుక‌లో రొమాంటిక్ గా ఫోజిచ్చింది ఈ బ్యూటీ. అయితే స‌ముద్ర‌పు అంచున న‌ల్ల‌ని ఇసుక త‌న శ‌రీరానికి అంట‌డంతో అది కాస్తా ఏదో స్పెషాలిటీని ఆవిష్క‌రించింది. ఓవ‌రాల్ గా పాయ‌ల్ ప్ర‌య‌త్నం ఫ‌లించింది. ప్ర‌స్తుతం ఈ బీచ్ బికినీ ఫీట్ అభిమానుల్లో వైర‌ల్ గా మారింది.

పాయ‌ల్ సంథింగ్ హాట్ అంటూ అభిమానులు పొగిడేస్తున్నారు. ఆర్.ఎక్స్ 100 లాంటి క్లాసీ హిట్ త‌ర్వాత వెంకీ మామ లాంటి భారీ క్రేజీ చిత్రంలో ఆఫ‌ర్ అందుకున్న పాయ‌ల్ కి అటుపై వ‌రుస‌గా స్టార్ హీరోల నుంచి అవ‌కాశాలొస్తాయ‌ని ఆశించినా అదేదీ జ‌ర‌గ‌లేదు. ఆహా వెబ్ సిరీస్ లు ఒరిజిన‌ల్ సినిమాల్లో అవ‌కాశాలు అందుకుంటోంది. అటు త‌మిళంలో వ‌రుస‌గా అవ‌కాశాలు అందుకుంటోంది.

ఏం గోల్ మాల్ చేస్తుందో ఏంటో?

పాయ‌ల్ అంత‌కుముందు పంజాబీలో పెద్ద స్టార్ ... ఓవైపు పంజాబీ చిత్రాల‌ను మ్యానేజ్ చేస్తూనే తెలుగులో టాప్ హీరోయిన్ గా ఎదిగేందుకు శ‌త‌విధాలా ప్ర‌య‌త్నిస్తోంది. ప్రియుడు గౌర‌వ్ ధింగ్రాతో వ‌రుస ఫోటోషూట్లు మ‌రో కోణం. ప్ర‌స్తుతం త‌మిళంలో త‌న తాజా చిత్రం గోల్ మాల్ చిత్రీక‌ర‌ణ పూర్త‌యి గుమ్మ‌డికాయ కార్య‌క్ర‌మం జ‌రుపుకుంది. ముగింపు ఉత్స‌వంలో పాయ‌ల్ త‌న స్నేహితురాళ్ల‌తో క‌లిసి ఇచ్చిన‌ బుంగ‌మూతి ఎక్స్ ప్రెష‌న్.. హైలైట్ గా నిలిచింది.

గోల్ మాల్ లో ఆర్.బి. చౌద‌రి కుమారుడు రంగం ఫేం జీవా క‌థానాయ‌కుడు. ఇది భారీ బడ్జెట్ కామెడీ చిత్రం. పూర్తిగా మారిషస్ లో చిత్రీకరించారు. గతంలో అనేక విజయవంతమైన కన్నడ చిత్రాలకు ద‌ర్శ‌క‌త్వం వ‌హించిన పొన్‌కుమరన్ దర్శకత్వం వహించారు.

ఈ చిత్రం గురించి పొన్ కుమరన్ మాట్లాడుతూ.. గోల్ మాల్ అవుట్ అండ్ అవుట్ ఫ్యామిలీ ఎంటర్ టైనర్.. హాస్య ప్ర‌ధానంగా సాగుతుంది. ఇది ప్రేక్షకులను థియేటర్ లకు ఆకర్షిస్తుంది.. అందరినీ సంతోషపరుస్తుంది.. అని అన్నారు. జీవా - శివ జోడీ మంచి హాస్యాన్ని అందిస్తారని.. ఆ ఇద్ద‌రూ స్క్రీన్ పై క‌నిపించినంత సేపూ క‌డుపుబ్బా న‌వ్విస్తార‌ని.. విభిన్నమైన మ్యాజిక్ ను సృష్టించగలరని పొన్ కుమరన్ అన్నారు. పాయల్ రాజ్‌పుత్ - తాన్యా హోప్ ఇందులో కథానాయికలుగా నటించారు. నవంబర్ లో షూటింగ్‌ ప్రారంభించి ఇప్ప‌టికి పూర్తి చేశారు. సినిమా 2022 ప్రథమార్థంలో విడుదలవుతుంది. సాంకేతిక బృందంలో సినిమాటోగ్రాఫర్ S. శరవణన్- సంగీత స్వరకర్త అరుల్ దేవ్- ఎడిటర్ డాన్ బాస్కో- ఆర్ట్ డైరెక్టర్ శివ- గీత రచయితలు మధన్ కర్కి - వివేక - ఉన్నారు.