సెక్స్ కు సేఫ్టీ మస్ట్ అంటున్న ఆర్డీఎక్స్ పోరి

అందాల ప్రదర్శన చేసేందుకు చాలామంది నటీమణులు ఉన్నారు. స్కిన్ షోలోనూ కొంగొత్తగా ట్రై చేసేటోళ్లు కొద్ది మందే ఉంటారు. ఆ కోవకే చెందింది పాయల్ రాజ్ పుత్. తొలి సినిమాలోనే సెంటర్ ఆఫ్ ద అట్రాక్షన్ గా మారి.. అందరి నోట్లో నానింది. కొద్దిమంది నటీమణుల మాదిరి కాకుండా.. సెక్స్ అన్న పదాన్ని అలవోకగా పలికేయటమే కాదు.. ఇంకా చాలా విషయాల్ని ఓపెన్ గా మాట్లాడేస్తుంటుంది.

ఏమైనా.. పాయల్ అందానికి.. ఆమె నటనకు ఫిదా అయ్యారు యూత్. డేరింగ్ పాత్రను నటించిన ఈ బ్యూటీ.. తాజాగా ఆర్డీఎక్స్ మూవీలో మరింత చెలరేగిపోయింది. ఈ మూవీ టీజర్ విడుదలయ్యాక.. వామ్మో.. ఏందీ సినిమా అన్న విమర్శలు రాగా.. తాజాగా రిలీజ్ అయిన ట్రైలర్ లో మాత్రం ఆ సినిమా కేవలం సెక్స్ చుట్టూనే కాదు.. ఇంకా చాలా విషయాల మీద ఫోకస్ చేసిందన్న భావన కలిగేలా చేసింది.

తాను నటించిన ఆర్డీఎక్స్ మూవీ గురించి మాట్లాడుతూ.. ఆసక్తికర వ్యాఖ్యలు చేసింది పాయల్. లేడీ ఓరియెంటెడ్ మూవీగా తెరకెక్కుతున్న ఈ సినిమాలో మహిళలు ఎదుర్కొనే చాలా సమస్యల్ని.. విషయాల్ని ప్రస్తావించామంది. నెలసరి వేళ అమ్మాయిలు పడే కష్టాలు.. సెక్స్ కు ముందు వాడే కండోమ్ ల గురించి.. సెక్స్ గురించి.. సేఫ్టీ గురించి.. ఇలా చాలా విషయాల్ని ప్రస్తావించినట్లు పేర్కొంది.

ఇలాంటి విషయాలు చెప్పటానికి చాలామంది సిగ్గు పడటమో.. భయపడటమో చేస్తారని.. తాను మాత్రం ఈ సినిమా గురించి గర్వపడుతున్నట్లు చెప్పింది. ఇప్పటికే టీజర్.. ట్రైలర్ తో ఆర్డీఎక్స్ లవ్ మూవీ హాట్ టాపిక్ గా మారి.. అందరి కన్ను పడటమే కాదు.. సినిమా ఎలా ఉంటుందో అన్న ఆసక్తిని క్రియేట్ చేయటంలో సక్సెస్ అయ్యిందని చెప్పక తప్పదు.