ఘాటైన‌ రొమాన్స్ తో డ‌బుల్ ట్రీట్ కి పాయ‌ల్ రెడీ

`ఆర్.ఎక్స్ 100` బ్యూటీ పాయ‌ల్ రాజ్ పుత్ న‌టించిన తొలి సినిమాతోనే బోల్డ్ బ్యూటీగా పాపుల‌రైన సంగ‌తి తెలిసిందే. ఒక కోణంలో ఇది మైన్ అయినా త‌న కెరీర్ కి వ‌చ్చిన డోఖా ఏం లేదు. ప్ర‌స్తుతం పాయ‌ల్ ఫుల్ స్వింగ్ లో ఉంది. సినిమాలు చేస్తూనే అటు వెబ్ సిరీస్ ల‌తో ఓటీటీ ప్లాట్ ఫామ్ లోకి అడుగు పెట్టింది. బోల్డ్ బ్యూటీ ఇమేజ్ అమ్మ‌డికి అవ‌కాశాలు బాగానే తెస్తోంది. గ‌త ఏడాది `అన‌గ‌న‌గా ఓ అతిథి` అనే వెబ్ సిరీస్ తో కొత్త‌ప్ర‌యాణం మొదలు పెట్టింది. తాజాగా `3 రోజెస్` టైటిల్ తో రాబోతున్న వెబ్ సిరీస్ తోనే ఓటీటీ ప్రేక్ష‌కుల్ని అల‌రించ‌డానికి రెడీ అవుతోంది. అయితే ఈ వెబ్ సిరీస్ కాస్త బోల్డ్ గానే ఉంటుంద‌ని తెలుస్తోంది. ఇందులో హీరోగా సౌర‌భ్ ధింగ్రా న‌టిస్తున్నాడు. తాజాగా ఈ వెబ్ సిరీస్ ఎక్స్ పీరియ‌న్స్ ని ఎంతో ఓపెన్ గా షేర్ చేసింది పాయ‌ల్.

ఆన్ స్క్రీన్ పై మేం ఇద్ద‌రం కాస్త ఘాటైన స‌న్నివేశాల్లోనే న‌టించాం. కెమిస్ట్రీ బాగా వ‌ర్క‌వుట్ అయింద‌ని తెలిపింది. ఈ నేపథ్యంలో పాయ‌ల్ కి మ‌రో రొమాంటిక్ ప్ర‌శ్న ఎదురైంది. సౌర‌భ్ తో రొమాన్స్ సౌక‌ర్యంగానే అనిపించిందా? అని ప్రశ్నించ‌గా.. ఎందుకు కాదు.. నేను అత‌నితో రొమాన్స్ కు ఎందుక‌ని నో చెబుతాను? మా ఇరువురి న‌డుమా ఇంటిమేట్ స‌న్నివేశాలు కూడా చాలానే ఉంటాయి. మా కెమిస్ట్రీ ప్రేక్ష‌కుల‌కు న‌చ్చుతుందని ఆశిస్తున్నా. ఇది చాలా సాధార‌ణ‌మైన విష‌యం. భూత‌ద్దంలో పెట్టి చూడ‌టం మానేస్తే అవ‌న్నీ చిన్న‌విగానే క‌నిపిస్తాయ‌ని నేను అనుకుంటాను. సౌర‌భ్ కొత్త న‌టుడు. అయినా చాలా బాగా న‌టించాడు. ప‌రిశ్ర‌మ‌లో అత‌ను రాణించాల‌ని కోరుకుంటున్నాని పాయ‌ల్ తెలిపింది.

ఇక `3 రోజెస్` వెబ్ సిరీస్ ని మారుతి తెర‌కెక్కించారు. ఇందులో ఈషారెబ్బా.. షామ్నా మాసిమ్ ఇత‌ర ప్ర‌ధాన పాత్ర‌లు పోషించారు. త్వ‌ర‌లో ఆహాలో ప్ర‌సారం కానుంది. ఇక పాయ‌ల్ తెలుగులో పాటు క‌న్న‌డ‌లోనూ సినిమాలు చేస్తోంది. శాండిల్ వుడ్ లో డాన్ స్టోరీతో తెర‌కెక్కుతున్న‌ `హెడ్ బుష్` అనే చిత్రంలో న‌టిస్తోంది. ఇది బెంగుళూరు మొట్ట మొద‌టి గ్యాంగ్ స్ట‌ర్ బ‌యోపిక్. ఈ సినిమాపై భారీ అంచ‌నాలున్నాయి. తెలుగు స‌హా త‌మిళ్ లోనూ ఈ చిత్రం రిలీజ్ చేయ‌డానికి సన్నాహాలు చేస్తున్నారు.

డాన్ తో పాయ‌ల్ రొమాన్స్ మ‌రో లెవ‌ల్లో

పంజాబీ బ్యూటీ పాయ‌ల్ రాజ్ పుత్ వ‌రుస‌ ప్ర‌యోగాల‌తో ఇటీవ‌ల‌ హెడ్ లైన్స్ లోకొస్తోంది. శాండ‌ల్ వుడ్ లో ఓ బ‌యోపిక్ లో చాన్స్ అందుకుంది. బెంగుళూరు సిటీకీ మాఫియాని ప‌రిచ‌యం చేసిన మొట్ట మొద‌టి అండ‌ర్ వ‌ర‌ల్డ్ డాన్ జ‌య‌రాజ్ జీవితం ఆధారంగా తెర‌కెక్కుతున్న చిత్రంలో క‌థానాయిక‌గా న‌టిస్తోంది. ఈ సినిమా టైటిల్ `హెడ్ బుష్`. డాన్ జ‌య‌రాజ్ గ‌తం ఎంతో ఆస‌క్తిక‌రం. ఒక‌ప్పుడు డాన్ గా సిలికాన్ సిటీనే గ‌డ‌గ‌డ‌లాండిచిన జ‌య‌రాజ్ జీవితంలో ప్ర‌తీ కోణం ఎంతో ఎగ్జైటింగ్ గా ఉంటుంది. డాన్ కెరీర్ లో ఎన్నో చీక‌టి కోణాలున్నాయి. అలాగే మంచి రొమాంటిక్ ఫెలోగాను జ‌య‌రాజ్ వెలిగారు. గాళ్స్ తో ఎంజాయ్ చేయ‌డంలో జ‌య‌రాజ్ రోమియాలా ఉండేవారు. అలా డాన్ జీవితంలో ఎంతో మంది అమ్మాయిలు చేరారు. అయితే ఇందులో డాన్ మొద‌టి గాళ్ ప్రెండ్ పాత్ర‌లో పాయ‌ల్ రాజ్ పుత్ న‌టిస్తుంది. ఇక ఈ పాత్ర కోసం పాయ‌ల్ నేరుగా జ‌య‌రాజ్ గాళ్ ప్రెండ్ వ‌ద్ద‌నే ట్రెనింగ్ అయ్యింది. జ‌య‌రాజ్ మొద‌టి గాళ్ ప్రెండ్ స్వ‌స్థ‌లం పంజాబ్ కావ‌డంతో పాయ‌ల్ ఇట్టే క‌నెక్ట‌యిపోయింద‌ని క‌థ‌నాలొచ్చాయి.

పంజాబ్ లో పుట్టి పెరిగిన ఆమె త‌ర్వాత కాలంలో కొన్నాళ్ల పాటు బెంగుళూరులో ఉన్నారు. ఆ స‌మ‌యంలో నే డాన్ తో ల‌వ్ స్టోరీ న‌డిచింది. ఆ త‌ర్వాత మ‌ళ్లీ పంజాబ్ తిరిగి వెళ్లిపోయింది. ఈ నేప‌థ్యంలో పాయ‌ల్ నేరుగా ఆమెను క‌లిసి పాత్ర‌కు సంబంధించిన వివ‌రాల‌పై రీసెర్చ్ చేసింది. `హెడ్ బుష్` క‌థ మొత్తం 1970-80 కాలం మ‌ధ్య‌లో న‌డుస్తుంది. నాటి త‌రం పాత్ర‌లు సినిమాలో క‌నిపిస్తాయి. బ్యాక్ డ్రాప్ మొత్తం 70ల నాటి వాతావ‌ర‌ణంతో ఉంటుంది. అలాగే ఇందులో జ‌య‌రాజ్ పాత్ర‌లో శాండ‌ల్ వుడ్ స్టార్ ధ‌నుంజ‌య్ న‌టిస్తారు. భారీ బ‌డ్జెట్ తోనే సినిమా నిర్మాణం అవుతుంది. శూన్య ఈ చిత్రానికి ద‌ర్శ‌క‌త్వం వ‌హిస్తున్నారు. ఇటీవ‌ల రిలీజ్ చేసిన టీజ‌ర్ ఆక‌ట్టుకుంది.