ఐటెంతో రుణం తీర్చుకోబోతున్న బ్యూటీ పాయల్‌

పాయల్‌ రాజ్‌ పూత్‌ అవకాశాల కోసం ఎదురు చూస్తున్న సమయంలో ఆర్‌ఎక్స్‌ 100 అనే సినిమా వచ్చింది. ఆ సినిమా మంచి విజయం సాధించుకోవడంతో పాటు ఆమెకు అనూహ్యంగా స్టార్‌ అంటూ పేరు వచ్చింది. ఆ సినిమా తో టాలీవుడ్‌ లో మంచి ఫేరు సంపాదించుకోవడం ఆ తర్వాత వరుసగా సినిమాలు రావడం జరిగింది. పాయల్‌ ప్రస్తుతం కూడా పలు సినిమాలు వెబ్‌ సిరీస్ లు చేస్తుంది అంటే ఖచ్చితంగా ఆర్‌ఎక్స్‌ 100 సినిమా వల్లే అనడంలో సందేహం లేదు. ఆ సినిమాకు నటించే అవకాశం రావడం వల్లే ప్రస్తుత కెరీర్‌ అనడంలో ఎలాంటి సందేహం లేదు. అందుకే ఆ సినిమా ఆఫర్‌ ఇచ్చిన అజయ్ భూపతి రుణం తీర్చుకునేందుకు పాయల్‌ ఎప్పుడు సిద్దంగానే ఉంది.

ఆర్‌ఎక్స్‌ 100 సినిమా తర్వాత ఎట్టకేలకు దర్శకుడు అజయ్‌ భూపతి 'మహాసముద్రం' సినిమాను చేస్తున్నాడు. భారీ అంచనాలున్న ఆ సినిమాకు సంబంధించి ప్రస్తుతం ఇండస్ట్రీ వర్గాల నుండి ఒక ఆసక్తికర వార్త ఒకటి వినిపిస్తుంది. ఆ వార్త ఏంటీ అంటే మహాసముద్రంలో ఒక ఐటెం సాంగ్ ను పాయల్‌ తో అజయ్‌ భూపతి చేయిస్తున్నాడట. ఈ సినిమాలో శర్వానంద్‌ మరియు సిద్దార్థలు కలిసి నటిస్తున్నారు. సినిమాపై అంచనాలు భారీగా ఉన్నాయి. ఈ సినిమాలో ఐటెం సాంగ్ చేసేందుకు ఓకే చెప్పి ముద్దుగుమ్మ పాయల్‌ రాజ్‌ పూత్‌ తనకు మొదటి ఆఫర్‌ ఇచ్చిన అజయ్‌ భూపతి రుణం తీర్చుకుంటుందంటూ మీడియా వర్గాల్లో టాక్‌ వినిపిస్తుంది. ఇది ఆమెకు కూడా ఖచ్చితంగా కెరీర్‌ లో ప్లస్‌ గా నిలుస్తుందని కూడా అంటున్నారు. ఏది ఏమైనా ఆర్‌ఎక్స్‌ 100 కాంబో మళ్లీ రిపీట్‌ అవ్వబోతుంది అంటూ బలంగా వార్తలు వినిపిస్తున్నాయి.