వ‌ల‌కు చిక్కిన‌ చేప పిల్ల‌లా పాయల్ గిల గిలా?

ఆర్.ఎక్స్ 100 చిత్రంతో టాలీవుడ్ లో అడుగు పెట్టింది మొద‌లు పాయ‌ల్ రాజ్ పుత్ కెరీర్ ప‌రుగు గురించి తెలిసిన‌దే. తొలి చిత్ర‌మే బోల్డ్ పెర్ఫామెన్స్ తో ర‌క్తి క‌ట్టించిన పాయ‌ల్ కి ఆ త‌ర్వాత బిగ్రేడ్ ఆఫ‌ర్లు రావ‌డం చెత్త క‌థ‌ల్ని వోన్ చేసుకుని అంగీక‌రించ‌డం పెద్ద మైన‌స్ అయ్యింది. ఆ త‌ర్వాత రిక‌వ‌రీ కోసం ఎంత ట్రై చేసినా క‌ష్ట‌మే అయ్యింది. చేతులు కాలాక ఆకులు ప‌ట్టుక‌ని త‌ప్పు చేసింద‌న్న విమ‌ర్శ‌లొచ్చాయి.

ప్ర‌స్తుతం తెలుగు చిత్రీ సీమ‌లో ఆఫ‌ర్లు లేవు. వెంకీమామ త‌ర్వాత చెప్పుకోద‌గ్గ సినిమా లేదు. తిరిగి ఆర్.ఎక్స్ 100 ద‌ర్శ‌కుడే అవ‌కాశం ఇవ్వాల్సిన ప‌రిస్థితి త‌లెత్తింద‌ని క‌థ‌నాలొచ్చాయి. మ‌రోవైపు త‌మిళంలోనూ కెరీర్ ఏమంత వెల‌గ‌లేదు. అయితే కెరీర్ మ్యాట‌ర్ ఎలా ఉన్నా కానీ.. ఇన్ స్టా మాధ్య‌మంలో పాయ‌ల్ క్రేజు ప‌రుగులు పెడుతోంది.

ఈ వేదిక‌పై నిరంత‌రం హాటెస్ట్ ఫోటోషూట్ల‌ను షేర్ చేస్తూ అభిమానుల్ని పెంచుకోవ‌డంలో స‌ఫ‌ల‌మ‌వుతోంది. ఇంత‌కుముందు త‌న అందాల శిరుల ఎలివేష‌న్ తో ఒంపుసొంపుల వ‌డ్డ‌న‌ల‌కు సంబంధించిన ఫోటోల్ని షేర్ చేయ‌గా అవ‌న్నీ వైర‌ల్ అయ్యాయి. తాజాగా బ్లాక్ నెట్ లో చిక్కిన చేప‌పిల్ల‌లా కొత్త లుక్ తో అభిమానుల గుండెల్లో మంట‌లు పెట్టింది. ప్ర‌స్తుతం ఈ ఫోటో అంత‌ర్జాలంలో వైర‌ల్ గా మారింది. పాయ‌ల్ న‌టించిన అన‌గ‌న‌గా ఓ అతిథి ఓటీటీలో ఆక‌ట్టుకుంది. త‌మిళంలో హార‌ర్ థ్రిల్ల‌ర్ యాంజెల్ రిలీజ్ కి రావాల్సి ఉంది.