ఈ ఎక్స్ పోజింగే ఐరన్ లెగ్గా??

నక్షత్రం మూవీ ప్రమోషన్స్ విషయంలో దర్శకుడు కృష్ణవంశీ ఎక్కడా కాంప్రమైజ్ కావడం లేదు. ఇప్పటికే ఆడియా రిలీజ్ జరుపుకున్న ఈ చిత్రానికి.. ఇప్పుడు వరుసగా సాంగ్ ప్రోమోలు రిలీజ్ చేస్తున్నారు. ఇప్పటికే అన్ని పాటలకు టీజర్స్ వచ్చేయగా.. ఇప్పుడు అన్ని పాటలకు సెకండ్ వెర్షన్ కూడా వచ్చేస్తుండడం విశేషం.

కృష్ణవంశీ సినిమాలు.. అందులోనూ పోలీస్ కథలు అంటే జనాల్లో ప్రత్యేకమైన ఇంట్రెస్ట్ ఉంటుంది. నక్షత్రం కోసం తన దగ్గర ఉన్న అన్ని ఆయుధాలను పక్కాగానే ఉపయోగించినట్లు ఉన్నాడు దర్శకుడు. ముఖ్యంగా రెజీనా కసాండ్రా చేస్తున్న అందాల విందు చూస్తుంటే.. నక్షత్రం విషయంలో టీం అంతా ఎంత పట్టుదలతో ఉన్నారో తెలుస్తోంది. 'పెదవికి నువ్వంటె ప్రాణం' అంటూ సాగే పాటలో అయితే.. రెజీనా- సందీప్ కిషన్ లు ఇద్దరూ పోటీ పడి మరీ ఎక్స్ పోజింగ్ చేసేశారు. టాలీవుడ్ లో తనను తాను ప్రూవ్ చేసుకునేందుకు ప్రయత్నిస్తున్న రెజీనా అయితే.. అందాల డోస్ విషయంలో కంచెలన్నీ తెంచేసుకున్నట్లుగా కనిపిస్తోంది.

అయితే.. ఇలా సందీప్-రెజీనాలు కలిసి గతంలో కూడా తెగ ఎక్స్ పోజింగ్ చేశారు. రా రా కృష్ణయ్య అనే మూవీలో ఇద్దరూ భలే రెచ్చిపోయారు. కానీ ఆ సినిమా జనాలకు నచ్చలేదు. మళ్లీ ఇప్పుడు అంతకు మించి చూపించేస్తున్నారు. మరి ఈ నక్షత్రం సంగతి ఏమవుతుందో.. ఎక్స్ పోజింగే ఐరన్ లెగ్ గా మారి నెగిటివ్ రియాక్షన్స్ వస్తాయేమో అని రెజీనా ఫ్యాన్స్ తెగ బెంగ పెట్టేసుకున్నారు.