నా సామిరంగా.. పూనకాలే..

పాటల్లో రకరకాలుంటాయి. కానీ మాంచి మాస్ బీటుతో.. ఫోక్ సాంగ్ ప్లే అయితే ఎవరికైనా ఉత్సాహం పరుగులెత్తుకుంటూ రావాల్సిందే. ఈ బీటుకు సింగర్ గొంతులో జోష్... పూనకాలు తెప్పించే రేంజిలో డ్యాన్స్ ఉంటే థియేటర్లలో జనాలు లేచి చిందేయాల్సిందే. మాస్ బీట్ సాంగులో ఉండే అసలైన మజా అదే. చాలా సినిమాల్లో మాస్ సాంగులు ఉన్నా ఈ రేంజిలో పాటలు క్లిక్ అవడం కాస్త తక్కువ.

తాజాగా నితిన్ హీరోగా నటించిన చల్ మోహనరంగ సినిమాలో పెద్దపులి సాంగ్ రిలీజ్ చేశారు. ఈ పాట వింటే అసలైన మాస్ సాంగ్ అంటే ఎలాగుండాలో అలాగే ఉంది. హీరో నితిన్ అమెరికా వీసా తెచ్చుకుని గల్లీలోకి వచ్చాక ఫ్రెండ్స్ చేసే హడావుడి బ్యాక్ గ్రౌండ్ గా ఈ పాట వస్తుంది. నెమ్మదిగా మాటల్తో మొదలై పాట జోరందుకున్నాక ఇక ఎవరైనా కాలు కదపాల్సిందే. ఈ పాటకు తమన్ బ్యాక్ గ్రౌండ్ మ్యూజిక్ కూడా ఓ లెక్కనుంది. తీన్ మాన్ డ్యాన్సులు.. పెద్దపులి వేషాలు.. నాటు డ్యాన్సులు.. మాస్ అల్లర్లతో పాట మొత్తం హుషారుగా సాగిపోతుంది. సింగర్ రాహుల్ శిల్పిగుంజ్ తెలంగాణ యాసలో మరోసారి అదరగొట్టేశాడు.

చల్ మోహన రంగా సినిమాకు పవర్ స్టార్ పవన్ కళ్యాణ్ సహ నిర్మాత. నితిన్ సొంత బ్యానర్ శ్రేష్ఠ్ మూవీస్ అండ్ పవన్ కళ్యాణ్ క్రియేటివ్ వర్క్స్ బ్యానర్ పై ఈ సినిమా తెరకెక్కుతోంది. నితిన్ లాస్ట్ సినిమా లైతో వెండితెరకు పరిచయమైన బ్యూటీ మేఘా ఆకాష్ రెండో సారి నితిన్ కు జంటగా నటించింది. కృష్ణ చైతన్య ఈ మూవీతో డైరెక్టర్ గా టాలీవుడ్ కు పరిచయం అవుతున్నాడు.

సాంగ్ చూడటానికి క్లిక్ చేయండి