ఒక్క రాత్రికి కోటి ఆఫ‌ర్ చేశారు!!

మంచు మ‌నోజ్ స‌ర‌స‌న `పోటుగాడు`(2013) చిత్రంతో తెలుగు తెర‌కు ప‌రిచ‌య‌మైంది టాప్ మోడ‌ల్ సాక్షి చౌద‌రి. అల్ల‌రి న‌రేష్ స‌ర‌స‌న‌ జేమ్స్ బాండ్ - సెల్ఫీ రాజా చిత్రాల్లో న‌టించింది. ఆ త‌ర్వాత గోపిచంద్ స‌ర‌స‌న‌ ఆక్సిజ‌న్ అనే చిత్రంలో ఆడి పాడింది. అయితే ఇవేవీ ఆశించిన స్థాయిలో విజ‌యం సాధించ‌క‌పోవ‌డం ఈ అమ్మ‌డికి మైన‌స్ అయ్యింది. `జేమ్స్ బాండ్` చిత్రంలో లేడీ బాండ్ పాత్ర‌లో సాక్షి న‌ట‌న‌కు విమ‌ర్శ‌కుల ప్ర‌శంస‌లు ద‌క్కినా ఎందుక‌నో ఈ అమ్మ‌డు రేసులో వెన‌క‌బ‌డింది. తాజాగా ఈ బ్యూటీ కీల‌క పాత్ర పోషించిన `గుణ‌సుంద‌రి` చిత్రం రిలీజ్ కి రెడీ అవుతోంది. ఇటీవ‌ల రిలీజైన సాక్షి ముఖ‌చిత్రం పోస్ట‌ర్లకు చ‌క్క‌ని స్పంద‌న ద‌క్కింది.

గుణ‌సుంద‌రి రిలీజ్ సంద‌ర్భంగా సాక్షి చౌద‌రి మ‌రోసారి టాలీవుడ్ మీడియా ముందుకు రాబోతోంది. ఈలోగానే ఈ అమ్మ‌డు సామాజిక మాధ్య‌మాల్లో వేడెక్కించే డిబేట్ కి తెర‌లేపింది. ఓసారి ఓ నెటిజ‌న్ త‌న‌కు కోటి ఆఫ‌ర్ చేశాడు. త‌న ఫోటోలు - వీడియోలు చూడ‌గానే ఒక్క రాత్రికి కోటి ఇస్తాను.. !! అంటూ బేరం పెట్టాడ‌ట‌. నేనేమైనా వ‌స్తువునా.. అమ్మ‌కానికి పెట్ట‌డానికి.. ఫూల్స్ అంటూ తిట్టేసింది. ఈ విష‌యంలో ఇత‌ర నెటిజ‌నులు త‌న‌కు మ‌ద్ద‌తుగా నిలిచినందుకు అంద‌రికీ కృత‌జ్ఞ‌త‌లు తెలిపింది.

స‌ద‌రు నెటిజ‌న్ త‌న‌పై సామాజిక మాధ్య‌మాల్లో చేసిన కామెంట్ల‌ను స్క్రీన్ షాట్ తీసి పోస్ట్ చేసిన సాక్షి.. ఆ ఫోటోని ఆ త‌ర్వాత తొల‌గించింది. కార‌ణం ఏదైనా సాక్షి అంద‌చందాల‌కు యువ‌త‌రంలో ఉన్న క్రేజుకు ఇది నిద‌ర్శ‌నం. ట్యాలెంట్ లోనూ ఈ అమ్మ‌డిలో మ్యాట‌ర్ త‌క్కువేమీ కాదు. కానీ ఆశించిన స్థాయిలో అవ‌కాశాలే రావ‌డం లేద‌న్న‌ది అభిమానుల వాద‌న‌. ప్యార్ మే ప‌డిపోయానే... (పోటుగాడు) గీతం యూట్యూబ్ లో ఇప్ప‌టికీ ట్రెండింగ్. ఇక‌పోతే సాక్షి త‌న ట్విట్ట‌ర్ లో వేడెక్కించే ఫోటోల్ని అప్ లోడ్ చేసి యూత్ ని రెచ్చ‌గొట్ట‌డంపైనా ఆస‌క్తిక‌ర చ‌ర్చ సాగుతోంది.