షమీ వైఫ్ జహాన్ కు అంతలా టార్చర్ పెట్టాడట

టీమిండియా క్రికెటర్ షమీ సతీమణి (ప్రస్తుతం వారిద్దరు విడిగా ఉంటున్నారు) హసీన్ జహాన్ ను గుర్తు తెలియని వ్యక్తి దారుణంగా వేధింపులకు గురి చేస్తున్నాడట. భర్తతో విడిపోయి కుమార్తెతో ఒంటరిగా ఉన్న ఆమెను ఒక వ్యక్తి అదే పనిగా ఫోన్ చేయటం.. దారుణంగా తిట్టటంతో పాటు.. బ్లాక్ మొయిల్ చేస్తున్న వైనాన్ని పోలీసులకు ఫిర్యాదు చేశారు.

దీంతో రంగంలోకి దిగిన పోలీసులు.. కోల్ కతాకు చెందిన పాతికేళ్ల కుర్రాడ్ని అరెస్టు చేశారు. ఆ కుర్రాడు అదేపనిగా హసీన్ కు ఫోన్లు చేసేవాడట. పదే పదే ఫోన్ చేయటం.. ఫోన్ ఎత్తితే అసభ్యకరంగా మాట్లాడటం.. తిట్టేవాడని పేర్కొంది. పోన్ ఎత్తకపోతే ఫోన్ ఎత్తే వరకు ఫోన్ చేస్తూనే ఉండేవాడట. అంతేకాదు.. తన దగ్గర ఆమెకు సంబంధించిన ప్రైవేటు ఫోటోలు ఉన్నాయని.. తాను కోరినంత డబ్బులు ఇవ్వకపోతే వాటిని విడుదల చేస్తానని బెదిరించేవాడట.

దీంతో.. ఆ టార్చర్ తట్టుకోలేని ఆమె పోలీసులకు ఫిర్యాదు చేశారు. దీంతో రంగంలోకి దిగిన పోలీసులు పాతికేళ్ల కుర్రాడిని అరెస్టు చేసిన విచారిస్తున్నారు. విచారణకు సంబంధించిన వివరాలు బయటకు రావాల్సి ఉంది. రెండేళ్ల క్రితం క్రికెటర్ షమీ మీద హసీన్ గృహ హింస కేసు పెట్టటం.. వేరే వారితోఅక్రమ సంబంధాలు కలిగి ఉన్నట్లుగా ఆరోపించారు. ఈ వివాదం అనంతరం వారిద్దరు వేర్వేరుగా ఉంటున్న సంగతి తెలిసిందే. వేధింపుల ఎపిసోడ్ తో మరోమారు ఆమె వార్తల్లోకి వచ్చారు.