దళపతితో కుర్రహీరోయిన్ త్రోబ్యాక్ పిక్.. ఏ మూవీలోదంటే..??

తాజాగా సోషల్ మీడియాలో యంగ్ హీరోయిన్ నివేత థామస్, దళపతి విజయ్ కలిసి ఉన్న ఫోటో ఒకటి వైరల్ అవుతోంది. అందరూ కూడా ఆ ఫోటో ఎప్పుడు దిగింది. ఏ సినిమా కోసం నివేత విజయ్ తో వర్క్ చేసిందనే సందేహాలు వ్యక్తం చేస్తున్నారు. ఐతే ఆ ఫోటో 2008లో విడుదలైన 'కురువి' అనే తమిళ సినిమాలోనిది. తమిళ హీరో ఉదయనిధి స్టాలిన్ నిర్మాతగా రెడ్ జెయింట్ పిక్చర్స్ బ్యానర్ లో నిర్మించిన ఫస్ట్ సినిమా ఇది. ఈ ఫోటోలో కనిపించే సినిమా వెనక పెద్దకథే ఉందట. దళపతి విజయ్, త్రిష జంటగా తెరకెక్కి సూపర్ హిట్ అయిన సినిమా 'గిల్లి'. ఆ సినిమా చూసి ఫ్యాన్ గా మారిపోయిన ఉదయనిధి.. మళ్లీ అదే పెయిర్, అదే డైరెక్టర్ తో సినిమా తీయాలనీ భావించి 'కురివి' సినిమా నిర్మించాడు.

ఈ సినిమా బాక్సాఫీస్ వద్ద మోస్తారు హిట్ అందుకుంది. ఐతే నివేత థామస్ ఈ సినిమాలో విజయ్ చెల్లెలిగా నటించింది. అప్పుడు నివేత వయసు పన్నెండేళ్లు అని టాక్. నిజానికి బాలనటిగా నివేత చాలా సినిమాలే చేసింది. ఐతే కురువి సినిమా తెలుగులో 'దోపిడీ' పేరుతో డబ్ వెర్షన్ రిలీజ్ అయింది. ఆ తర్వాత మళ్లీ 2014లో నివేత.. విజయ్ సినిమా జిల్లాలో మెరిసింది. ఈ విధంగా నివేత జర్నీ విజయ్ తో చైల్డ్ ఆర్టిస్ట్ గానే మొదలైంది. అమ్మడు ఇప్పుడు హీరోయిన్ గా కొనసాగుతుంది. ఆల్రెడీ టాలీవుడ్ ఇండస్ట్రీలో మంచి హిట్స్ అందుకుంది. నివేత చివరిగా తెరపై కనిపించిన సినిమా వి. త్వరలోనే పవర్ స్టార్ పవన్ కళ్యాణ్ నటించిన 'వకీల్ సాబ్' సినిమాలో కనిపించనుంది. ఏప్రిల్ 9న వకీల్ సాబ్ రిలీజ్ కు రంగం సిద్ధమైంది.